1月 30, 2015

2014 十首歌 - 7/10

7/10 〈彭家麗 - 算〉

彭家麗這次出來唱,全新大碟只有五首歌,但好高水準!五首歌都好好聽。

雖然旋律係好九十年代有點老土,但旋律是一首歌最重要的部分,這五首歌嘅旋律好好聽已經贏曬。

其中我最鍾意嘅一首歌係最尾一首 - 算。歌詞係講一個成熟女子對愛情嘅觀感,好適合佢唱,而且佢亦唱得不溫不火,好啱佢!我

再看看作曲人的名字原來是久違了的倫永亮,怪不得個旋律咁好聽,個編曲令我想起梅艷芳的朦朧夜雨裏,不過不緊要。歌曲好聽便足夠。

這一首歌網上找不到連結,  你們要從其他渠道去聽了。

2014 十首歌 -6/10

6/10 〈馮允謙 - 我好想你〉

雖然個名同蘇打綠上年首歌係一樣,但係兩首歌既感覺就好不一樣。蘇打綠個首好heavy,而馮允謙呢一首就好舒服好溫柔。其實係呢輩新人中我幾喜歡他,成日見到佢好開心,好享受唱歌的樣子,是真心喜歡唱歌而不是來賺錢的感覺,讓人感覺很受落。上一次隻碟冇乜好歌,今次就有呢一首我好鍾意嘅歌 - 我好想你。希望佢之後啲歌都繼續好聽,唔好浪費左佢。

1月 27, 2015

2014 十首歌 -5/10

5/10 <楊千嬅 - 好不容易遇見愛>

我哋都覺得楊千嬅嘅歌已經唔好聽,因為好似沒有了以前的 magic, 我想是失去了那種我什麼也沒有、帶着怨西味、我要拼我要衝的那份感覺。

但一個人如果一世都係咁又其實好慘,到了現在有錢有樓有老公有仔父母俱在還做埋影后,好命得佢應該轉行做好命婆大娉姐幫人梳頭 instead of 出來唱啦。究竟是我們沒有進步而覺得佢不再是同路人而不再喜歡佢,還是應該問問自己為何自己這麼多年都沒有進階?

今年楊千嬅有三首歌:來生舞唔好聽;色惑歌不好, 見佢行性感有種走投無路迫良為娼幫老公還債的感覺,而且個化妝亦似紙紮公仔,完全是失敗之作。

到了秋天,有一首好不容易遇見愛,有種終於唱番首啱聽的歌的感覺。特別喜歡歌曲最後一段長長的音樂部分。作詞人還是偏愛她的,會把她的人生與歌曲掛勾,唱出現今的處境心態。這首歌充滿感恩的溫暖,人生不同階段聽不同的歌,這一首歌正中我刻下心情。

2014 十首歌 -4/10

4/10 <樸樹 -平凡之路>

電影唔諗住睇,但係首主題曲就非常好聽。 好多年沒有樸樹的消息,以為佢從此摺埋,依家聽到佢出嚟唱一首主題曲,咁多年才一首單曲好難得,而且係真心好聽。依家再睇佢出嚟,成個人好似老左幾十年,沒有以往嘅青青花靚味,換來就是一種好滄桑地盤佬般的男人味。這一首平凡之路,絕不平凡,一聽就已經愛上,一開始不停咁重複地聽幾次都唔覺得悶。


1月 17, 2015

2015東京跨年喪shop之旅- 早餐鬥一番

早前見友人的東京post 出現左Bills 的早餐文,今次一定要去試,但網上有人說周末要排隊等6個鐘,有點卻步。我們就打算找個平日去踫運氣。

之後有人提出Serabeth's 也值得去,別號叫紐約早餐女皇呢!好啦,兩間都試下比較下先。

星期六唔知死去左新宿 Lumine2 的 Serabeth's。我們九點半左右到,人龍不算長喎,門口靚女問我們介意坐 bar 枱沒,咁我地又沒所謂,靚女叫我們排隊等入坐。眼見我們之後的人走來等位呀靚女都俾張紙仔叫佢地遲D來,才知原來我們是最後兩個剛坐滿間店的第一輪顧客!嘩幾開心呀!

唔好講咁多,點野食先。我們二人點了人氣 Egg Benedicts 及 French Toast。等左十幾分鐘早餐來了。賣相就好吸引喇。首先試左個  Egg Benedicts,一切下去D蛋汁瀉出來,再放入口,童年蛋汁的香味出晒來,還有下層的 muffin ,鬆化香軟,和合在一起的味道除了好味都不知怎麼形容!想想平時在香港SOHO 果D所謂 all day breakfast ,又話出名的 Egg Benedicts ,根本十分一也比不上,仲要收我百幾蛟一份。試過 Serabeth's,就決定以後可以不去香港食了。省下的錢不如去食華星炒蛋。




至於另一個 French Toast,在麵包上蘸滿了蛋汁去煎,上面鋪了層糖粉,也是滿滿蛋香的。加一點牛油糖漿伴食就很好。不過我覺得這個 French Toast 應該是下午茶美食,所以早餐來食這麼甜的東西就配合不到了。

過了幾天,找個平日我們就去涉谷的 Bills 朝聖喇!人人都說Bills 一定要早去趕第一輪, 否則唔使旨意食, 但我地嗰日遲咗起身, 去到都成十點幾,以為排好長龍啦,點知去到無人排隊喎!嘩我地仲係排第一添呀。開心到我地呢,結果只係排咗十五分鐘就有位啦!




我哋立即叫左最出名嘅Breakfast set 同 pancake. 個  breakfast set D炒蛋滑到呢,又厚又香,老麥嗰啲炒蛋冇得比!之後食埋個 pancake, 原來佢地做嘅方法同一般食開嘅唔一樣。佢呢個餅呢係做得好鬆嘅,發起左嘅,同平時我哋食開嗰種好唔一樣。唔知這是不是就是澳洲嘅做法呢,雖然質感不同但牛油的香氣濃郁,好食!

放上面書有朋友問喜歡Serabeth's 還是bills多D,咁我就為了公平,在臨走的一天再去多次Serabeth's 試埋佢地個pancake來個 apple to apple 咁比較啦!

由於是星期二早上,Serabeth's 係只得三成入座率!嘩,開心得我地吖!立即點了一份新宿店限定的綠茶 pancake 及一份原味 pancake。不一會就來了。

先形容綠茶pancake, 上面一大舊 cream 以為普通野,但一放入口,嘩超新鮮,那種新鮮的甜香一定要即叫即打才可以做得到,如果你未試過自己打cream 立即食, sorry 形容比你聽也是多餘。我是之前上蛋糕班老師即打即食就試過囉!之後再食埋個pancake, 不得了,結果巳出!我會話 Serabeth's 贏左Bills囉!佢個綠茶pancake, ok,得承認綠茶味是冇乜,但佢煎得熱辣辣,個底是剛剛好燶的。來自紐約的pancake 就是食開果種實實密密的餅類。其實我還是喜歡這樣的pancake texture。 

已經贏了,我就不花唇舌形容這個啦!


其實 Serabeth's 另一個極得我心的是這杯熱檸水!滿口酸甜的檸香,不是我們一般自己篤穿檸檬出味的,超好飲!

不過咁,這是我私下的評分,不能作準,因為同行的友人是喜歡Bills 多一點的。但其實無壞吖,你也兩間試試,告訴我喜歡那一家也好!


Advice for:Serabeth's and Bills - 一定是平日早上去,等十分鐘。週末去網民寫要等六個鐘!

1月 15, 2015

2015東京跨年喪shop之旅- 處處有福袋


今次是我第一次到日本過新年知道一直以來日本新年後第一個工作日就會有福袋賣我未試過呀所以今次好想趁熱鬧去買幾個福袋回來.

 

原來呢東京到處都有福袋買任何類型的店都有如之前講過的無印以及各大百貨公司, Bic Camera 電器行山日用品店, outlet的減價店甚至便利店超級市場我見過最離譜的是新鲜出爐麵包店都有賣但它們的福袋是新鲜出爐麵包, YEN 1000裡面有幾個包沒有像一般福袋的封晒所有口讓你不知道裡面是什麼而是獨立包裝仲見到有霧氣好新鲜的麵包我心想是否經濟差到要咁樣送D包出去呢我其實都覺得吸引可惜又覺得YEN1000麵包的量又太多所以沒有幫襯.

 

想深一層日本新年所有當季的貨品都已經大減價了其實是不需要去買福袋吧而且福袋內的貨品都是超級月下貨很多都是封住晒看不見一點的會有好大機會買到一些無用又不合心意的貨品呢不如當當正正去買大減價貨好了.

 

想到這樣我就沒有買別的福袋專心買減價貨了.



我們來看看何謂處處有福袋:











1月 14, 2015

2015 東京跨年喪shop之旅- 無印gas 爐

如果有一個旅程目的只是shopping其實都幾開心.我以往的旅行都會是看風景逛名勝之類如果是開宗明義只shopping, 今次是第一次但原來是超興奮的! 正如杜如風所講,自己錢自己洗,有何不可?

 

一直都很喜歡無印的家電無論是洗衣機雪櫃電飯煲傳真機… 設計都很漂亮呀純白的簡單線條的不多制運用不複雜可惜的是日本的電壓跟香港的不一樣而且家庭電器太大件不能抬回香港呀

 但就給我發現有一個item可以讓我買回港的…就是gas !

 


其實這個爐我早幾年已經見到好想要白色身配銀色殼只有一個打火制靚到呢不過之前幾次去日本都沒有買咁今次主題是喪shop, 咁我就想買一件”wow”的產品啦於是就決定買這個gas 好在這個爐不算重而且亦不算貴YEN4,900, 如果是遊客passport可減5%, 雖然不是減足8%但得些好意需回手啦而且香港是沒有這件貨的買了回去也可以虛榮一番幾千YEN可以虛榮何樂而不為!

 

有人問我為何去日本買無印香港都有啦但其實香港的無印是日元標價10算的現在日元只是6點幾算直情是香港的6幾折所以呢我係瘋狂到連刀义匙開酒器冰格沐浴起泡球…都買回去結果買到佢地可以免費送貨到酒店咁我們又可以兩手fing fing shop其他野喇! 開心到呢!




回到香港,立即找機會開爐!


跟家人打個日式豆乳湯煱先啦。嘩,大家對個爐讚不絕口,又靚又靜,火又夠猛!入氣亦方便。佢入面有塊大磁鐵去吸住支氣,所以好穩陣。抵讚!

1月 12, 2015

2015 東京跨年喪shop之旅- 無印良品福袋搶搶搶 II

好喇,兩個福品都有啦,好開心咁帶回去啦,一齊開估係乜東東先!




首先是這個一千円福袋,裡面原來有好多野: lotion / massage oil/ 洗臉膏/蠟燭仔/ 3包濕紙巾/ 潤唇膏/ 還有最喜歡的鼻毛剪!再加一個布袋仔,我試過將所有物品放入去個袋仔度是剛剛好的!真係超細心!好感動!一千円真係好抵!比買一袋純衣服的福袋還實用、性價比更高!

好喇,到了那個福缶就更奇妙!




由於我不懂日文,我完全是一頭霧水去買這個缶的!原來它是二O一五円的!是因為2015年吧!𥚃面呢有一個小布袋,一本說明書,一個小玩偶。原來那個袋那個小玩偶所有圖案都是日本傳統的吉祥物呀!幾得意喎!

好戲在後頭,這個福缶內含一張價值2015円的 gift card!!!! 即是我缶內的是無印禮物,而它就回返我個缶錢去買野!嘩,好開心呀!

係,你當然話:車,咪又係要買返佢D野,有時反而仲要加錢添呀!對呀!但做人又不能計算得太多了,買個快樂不是很好嗎?

結果翌日我又在無印買了個白色布袋才回港啦!


1月 10, 2015

2015 東京跨年喪shop之旅- 無印良品福袋搶搶搶 I

現在去旅遊都不需要看/ 買旅遊書, 因為很多資料在網上找, 更快更多更reliable. 因為很多旅遊書主要介紹的內容都只是隨便在一條大街影張相, 寫幾個字當介紹, 一D都冇用. 反而在網上用關鍵字查資料就一目了然.

就好似我今次主打去東京買福袋同購物, 上網查"東京新年福袋攻略"等字眼就乜野都出晒來! 不止是香港. 很多都是台灣網友的窩心推介, 幾好呀.

今次出發前已收集好資料, 如果要買福袋, 其實只需要去一間 - 無印良品, 因為絕大多數公司出的福袋都是封好晒口, 看不到入面是什麼的, 而無印呢就最糠概, 袋是透明的, 衣服的話更加是分好大. 中, 小尺碼, 睇啱才拿.

我們1月2日 (因為1月1 日是新年休息)就出發去無印啦. 早一兩日經過新宿三丁目的店有個牌寫住10:30開門, 咁我們就10點20分左右到啦. 去到門口個日本sales就不停的說"Sorry! Lucky Bag Sold Out!" 下? Sold Out?! 咁早, 真激氣! 山長水遠來到,有無咁誇呀!

雖然如此, 其實我們都想睇下佢地其他的貨品, 因為我想買個gas爐! 所以就在門口等佢地11點正常開門. 不過又好奇, 在門口呢又越來越多人擠滿了門口等開門, 仲要有一個講日文一個講國語的叫大家開門後不要往店裡跑! 下? 買正常貨就算減價也不用跑吧!

原來呢, 我發現在大門口有兩個架都放了福袋喎!

嘩, 開心得我, 原來仲有福袋架! 一款是透明袋, 一款是鋁罐的. 我當然不知什麼, 只知要一開門就去搶囉!

好了11點, 門一打開, 所有人一窩蜂的趕入去. 我明明是頭幾名的, 但我已經被身邊的人左一堆右一堆的推出去, 我根本入唔到去呀! 原來D日本人買野可以咁無禮貌架! 嗚嗚... 結果我一清醒下來, "我要入去呀!"就排走其他人衝了入去, 混亂中我更踩了門口那個sales哥哥一腳,真的對不起他!

我去到個櫃, 那些福袋福罐全部無晒啦!!! 嗚嗚.....忽然呢, 有人放了個福袋返個架度, 嘩!我唔理三七二十一立即搶回來啦. 原來是YEN1000的福袋, 裡面好似是些蠟燭/ Lotion之類的東西. 都幾呀, 就算是為個意頭也要啦. 所以立即保住。

就在這個時候又有人放低個罐, 嘩! 仲諗? 梗係即搶啦! 於是我又好狼的立即搶個罐回來. 這個鋁罐成個新東陽肉鬆罐咁樣, 上面貼住"福缶"二字. 但這個真的沒有內容, 連價錢也沒有寫, 只是在紅色膠蓋上寫了些日文,知鬼佢乜野咩, 但為左意頭都保住先, 而且個罐好靚.

至於係咩? 下回分解, 眼瞓.


1月 09, 2015

賤円鬥窮人

心情實在太興奮,很想跟大家分享我的喜悅,所以2014歌曲倒數也要讓歩,趁我仲有果團火,立即寫左出來先,否則過了氣什麼也寫不來的。

要說的是剛在新年的時候去了東京一趟。八月的時候本來只打算新年的時候去東京買福袋及趁減價購物,當時円還是7點幾,所以心情沒什麼特別。但接近年尾,曄,D円跌到咁,我93年第一去的時候還是7.2呀,現在是6.5,是我遇來最低的價,完全是當賺了很多。

我一直都覺得日本買野是很肉赤的,但眼見近年香港及大陸D野越來越貴,仆佢個街大家樂早餐要$22而只是油占多就已經出廣告話好抵時,日本的東西這些年來加咁少價就相對真的越來越抵了。

今次是第一次見識何謂日本新年大減價的盛況,原來D野真的可以咁平,仲要係靚cutting,料好喎!例如Beams 一條褲11,000円,減價打個7折,之後可退稅即場免收8%,再乘以6.5的兌換率,頂你最後只是港幣500元有交易!,在香港點得呀!而且D款又不夠人多啦!你話唔興奮就假了。

唔單只一間鋪係咁,而係好多間都係咁。你話點會唔買吖!去到最後已經將帶在身的円用晒而要簽咭了。本來想節制,但真的好吸引,不想後悔,最後還不是把心一橫「唏,買撚左先講!」就俾錢去也。哈哈!

跟朋友分享今次購物的興奮,十分認同他說的:今次真係「賤円鬥窮人」了!

2014 十首歌 -3/10

今年十首歌入面有兩首李榮浩,可想而知我有多喜歡他的歌。

3/10 <李榮浩 -都一樣>

〈都一樣〉也是在模特大碟中,一聽的時候就覺得很搶耳,尤其是最後幾十秒的純音樂部分,groovy 到不得了。不過有朋友說這首歌太似周杰倫,well,一講就覺得有少少似,但我還是覺得這首歌是好好聽。可惜它不是主打歌沒有官方MV,但個click rate 都超過五十萬喎!厲害!




人紅了自然多人搶。李榮浩話咁快就歸入了華納。大公司多資源,見到面書中替他狂谷宣傳,不停出新MV,找來名導演拍攝,我覺得很不安。好地地一個潛質新人,以短時間被唱片公司狂谷,我看不到樂觀的前景,只覺得他好快被搾乾!你看那批新MV,包裝、內容、手法非常台式,攪到佢,成個JJ林俊𠎀咁,一點之前北京音樂人的味道也無,完全不是他。衷心希望唱片公司高抬貴手放過他好了。

1月 08, 2015

2014 十首歌 – 2/10

2/10 〈李榮浩 - 模特〉

我不喜歡這幾年台灣或國內甚至香港出產的新人不知為何除了林宥嘉其他的我都不喜歡尤其是台灣專門出產那批巨肺男巨肺女, 香港呢就專出那些鼻音女嗡嗡嗡的,一聽就覺得煩

今年終於出了一個李榮浩我得承認我也是得知他拿了多個金曲獎提名才第一次知道他的名字也是好後知後覺

但第一次聽<模特>便已興奮得嘩嘩叫
正呀!

終於不是高吭人聲而是沙沙的 (初時聽真的很像陳奕迅但聽下去就不似), 低低吟吟的好似日食3包煙每天下午起床凌晨才睡覺的人仲要係超多女埋身但不喜黐身的浪子般 (我知我幻想力太豐富), 總之就是一把有性格的聲音對呀一點都不像台灣歌手是北京歌手的style. 
我立即托友人從台北帶他的大碟回來全碟10首歌有型有格調子統一陪伴著我好一段2014真正的好聽

最喜歡的有兩首第一首是成名曲<模特>, 旋律及編曲就是型在一個黑黑暗暗的異地晚上聽聽這首歌真的可以令人再三回味

1月 07, 2015

2014 十首歌 – 1/10


每年都會做一次的回顧今年也會做只是外遊遲了一點寫.
整體來說:今年是沒幾首好好聽好標青的歌我今年選出的10首歌有幾首是上年年底推出的我把它們當作是今年的作品才湊夠數都咪話唔陰公.

1/10 〈鄭秀文 - 火宅之人〉




先數一些2013年底的作品
脫胎換骨後的鄭mi推出了 Love Is Love, 整張嗜片好聽令人聽得暢快流行性強可以媲美當年她最紅時代的代表作.
荒漠甘泉也好天生一半也好我最喜歡的是<火宅之人>, 她好久沒唱這些傷感一點的情歌個人閱歷多了唱起來戲劇性又加強一點她的說故事式唱腔沒有過火又表達行宜<不要驚動愛情>更得我心