阿姐話: 哎呀, 好忙呀. 唔得閒講呀. 其實洗咩特登睇, 老細運氣好, 條命生得好, 公司就會好啦.
係喎, 當年大老細次次大事發生時都逢凶化吉, 例如去旅行遇地震, 或同期附近有嚴重事故, 他都不在場. 佢咁好命, 公司就好好生意.
幾年後聽說大老細比管理層冷落, 調左去做濕碎工作.
又幾年後, 聽說成間公司生意一落千丈.
1月 28, 2022
這是戀愛！不良少年與白手杖女孩
這套日劇<這是戀愛！不良少年與白手杖女孩>初初睇poster覺得不吸引, 沒打算看的. 但看到他在日本的收視很高, 所以就姑且試試.
原來係好好睇既. 仲要係睇得好開心既.
當初睇劇名及poster, 以為是套催淚劇, 對世界不公平的控訴. 我最怕睇呢D野, 好似全世界都好灰, 場場戲喊喊喊.
但原來不是! 其實這是一部輕鬆愛情小品!
兩個主角: 一個飛仔一個弱視, 一開放各自認為對方過著正常的生活, 飛仔覺得盲的行得走得, 有家庭有朋友, 非常正常; 盲的覺得飛仔行得走得就是正常不過的一個人. 我覺得這個insight 幾特別. 我們總只是知道自己的不足, 而羨慕別人擁有的東西. 我有個朋友最喜歡攪朋友的男朋友, 佢話總是覺得別人的男朋友好過自己揀的那個. Anyway, 離了題.
這套日劇的故事主軸就是圍繞他們生活上的互相支持及談戀愛的經歷. 由於自身的處境所限, 劇情講的都是他們如囝克服我們日常生活以為好簡單的東西 - 過馬路, 煮野食, 找工作, 穿高踭鞋等等.
其實劇情不峰迴路轉, 好不好看就靠演員們的功夫. 出奇地兩位年青男女主角都演得極討好. 常常笑容滿面, 而且笑得好好看. 杉咲花及杉野遙亮的笑容好天真好純, 一點也不造作. 令人看得舒服. 每天輕輕鬆鬆就過了一個鐘. 不似以前說過的一些面癱演員令人看不明白他們做什麼.
做人已經夠辛苦, 無論是身體有缺憾, 還是生活上的不如意, 都好靠自己心理調節, 這個<這是戀愛！不良少年與白手杖女孩>是可以令人放寬一下生活上重擔的.
1月 25, 2022
最愛
我是從<我要準時下班>才認識吉高由里子. 當時她演斯文大方的OL, 所以一直覺得她是那種人畜無害入屋女演員. 但之後的< 不知道也無妨>, <危險的維納斯>, 以及最新的這部<最愛>, 全部都是懸疑劇, 害我先入為主錯晒.
日本真係好多殺人案懸疑劇, 差點真的以為這個地方治安好差. 不過想深一層又未必, 電視劇反映當地民生, 但其實世上又未必處處貼切的.
說回這部<最愛>, 我覺得有點似幾年前的<為了N>, 都是講殺人案背後的動機是為了愛與保護. 其實都開始估到故事發展的劇情. 不過這套戲比較多 bugs, 就是故弄玄虛位太多又明顯, 有些位是多餘的懸疑就有點失敗.
我是從中段已估中誰是兇手. 其實睇得多日劇都知道, 越是劇情唔提越是唔出聲果個就係兇手. 再老土一點, 就是明明是大卡士明星但頭9集戲份咁少, 結果第10集就會話佢係殺人兇手, 至少有兩三套戲都係咁鋪排. 車!
但整體上娛樂性是豐富的, 至少是俊男美女會想看下去. 有些主角好看真的睇完兩集就摺埋, 例如 Doctor X, 不想捱下去, 看完兩集就停了. 而這套有我喜歡的井浦新, 當然要追, 其實他的戲那麼好, 扮乜似乜, 為什麼上次<如果那時吻了她>拿不到獎項? 真替他不值.
而吉高由里子呢, 佢成日那個微微低頭又嘟咀表情有點太多了. 而且是睇不明她這個表情是做什麼, 想扮懵懂? 純情? 陰險? 所以咁的演技點解可以拿咁多演技獎呢?
1月 21, 2022
An affair to remember 金玉盟
多得 Disney+ , 讓我多看一些電影. 其實我以前在香港都不算看很多電影. 心理上是想看的, 但總是懶骨頭, 不喜歡就場次趕時間趕交通. 現在留在家中, 就多看一些電影吧.
這個舊片<An affair to remember>最有印象是當年 <Sleepless in Seattle>主角們在戲中提及過這片子的橋段, 又喊又笑的. 我只是一套經典的舊片但沒有看過. 結果今天給我在 Disney+ 見到就播出來.
這套1957年的舊片, 當年沒有CG, 沒有很多資源下, 全部搭佈景而成. 郵輪啦, 大廈啦, 歐洲小鎮... 那種 low tech 好正, 我喜歡這種一塊畫布做背景的片子, 大家靠幻想力去完成個場景, 就好似細個盂蘭節看街坊神功戲, 一幅山水畫就代表整個場景, 不用TV monitor. 其實這種古老feel 好得意, 我都想有一日上影樓拍一輯在巴黎鐵塔佈景板前影結婚相, 果種 vintage feel一定好正.
沒有 fancy 野令人分心, 大家只可以專注於故事. 所以劇本好緊要. 這套戲2個鐘多少少, 又郵輪, 又歐洲小鎮, 我本來都唔知佢想點發展落去. 劇情看似輕描淡寫, 但原來全為結局而鋪路, 沒有一些場景是多餘的. 真是高明. 到了結局秘密揭盅一刻, 兩個人講幾句後就快快完場. 我想了好耐, 為什麼會這樣安排? 是刻意的讓大家再三回味吧.
我想Nora Ephron <Sleepless in Seattle導演> 當年在電影結局中都給這部電影作致敬. 再想深一層, Nora Ephron 另一齣電影 <You've got mail> 的結局也是快快完場, 我一直好耿耿於懷. 但其實她又是不是在向這一部金玉盟致敬呢.
飲水思源
淺草小子說的是師徒關係的故事. 我們出來打工的好少會有這種學徒師生關係, 但其實未必. 就算是上司與下屬, 有時都會有一點點像師徒之間的關係.
工作了二三十年, 轉過了好幾次工. 年輕時總喜歡破釜沈舟式的裸辭, 並不是先找到下一份工作才辭職, 在一家公司做完了, 之後才慢慢找下一份工作去, 一開始時當然自信滿滿, 覺得好容易找到下一份工作, 但日子下來, 寄出的求職信無消無息, 唔擔心就假既.
在這段徬惶的日子, 如果有一家公司請我的話, 我已經心懷感激, 覺得他是我的恩人. 亦可能是好運, 我以往這些請我的上司們都是人格高尚的. 其實一個好的上司就好似一位好的師傅, 我與他是會帶一點師徒的情誼. 他們不是教我練氣踢腿耍功夫, 但好的上司會教我如何思想, 寫一份像樣的 proposal, 教我如何有禮貌對待供應商. 這些不是一次完的幫忙, 而是一生受用的concepts, 有時未必是一筆一畫的教我, 而是身體力行做個好樣板讓我偷師, 我覺得這樣比特登開個班, 講講講理論有效實際得多.
所以我就算離職了, 我都有跟幾位我好欣賞的上司聯絡, 就算移民了也繼續 whatsapp 或 email 幾句. 做人有一顆感激之心是很重要的. 尤其是打工的, 咪以為你有份出糧一切是老馮, 自己不足又不聽教的就自己撞板去. 有人肯教你一兩樣東西也是extra的得著, 應該感謝對方.
至於面對工作能力不濟的上司, 也可以心存感激. 他們做野做得咁差, 以後佢做什麼我就不要再做, 這也是一種教學方式.
1月 20, 2022
淺草小子
疫情下有咩好做, 現在加國身邊的人的氣氛弄到好似出街呼吸都會吸到 Omicron, 咁大家仲點敢出門口, 名副其實"深居簡出", 我以為自己是大明星, 有如記者問"你平時鐘意做咩架"; "唔, 我好宅架. 沒戲拍就留在家囉"果種作狀西. Diu! 我唔係呀. 其實我好想出街行, 我好想去公園玩一地的積雪. 係出唔到乍!
好啦, 每個週末最佳節目就是不停看戲. 從<膠戰>開始, 再睇<Kim Convenience>, 再掃下Netflix 及 Disney+ 有咩新劇. 我好肯定自己疫情過後唔會再有興趣留家煲劇過日子. 我要出去外面同返條街接觸返.
Netflix 好少日本戲, 就算有, 都是些動畫. 我不喜歡看動畫, 所以沒什麼好選擇. 偶然有一些電影或電視劇, 但好似為了嘩眾取寵咁, 題材好偏, 不是大量血腥, 就是露兩點三點, 唔好睇.
<新聞記者> 唔好睇, 打燈調色果個 tune到套戲好暗, 就算日光日白的場景都好暗, 其實同電影版一樣, 睇得我對眼痛, 看完一集就唔想追下去了
結果給我找到一套<淺草小子>. 原來是我喜歡的大泉洋做的. 立即睇.
大泉洋是阿叔類演員, 不是靚仔類. 但他以前做<No Side Game> 及 <派遣女王>喜感滿滿, 賤咀又得, 熱血又得, 是一個好多能量的演員. 有他做的戲我一定看.
但其實正主角不是大泉洋, 而是柳樂優彌, 看的時候不知他是誰, 戲後找資料才知原來他是當年14歲出道的電影搶了梁朝偉個影帝激到佢死死下果位演員. 唔怪之得做得咁好. 佢同大泉洋拍檔一點也沒怯場, 而且仲好吸睛.
我唔識劇評, overall 這套電影好好睇, Netflix 終於都有一齣似樣的日本電影了. 兩個鐘一點也不悶, 沒有大上大落峰迴路轉的劇情, 但人情味濃濃, 沒有廢話, 餘韻不斷的.
1月 12, 2022
治癒東京遊
沒有得去日本, 唯有在網上看. 有些有心人會拍底在日本行逛的影片給大家看看現時的日本. 真係好有心. 其實通常都沒心機看得完整條片. 但前幾日東京落大雪, 這位 youtuber 好好人的去了涉谷一趟, 拍底當刻落大雪的情景.
真係好治癒. 大雪中的東京夜景好靚, youtuber 沿途走過以前熟悉的街道真係好開心. 見到好多店舖都未執好感動. 你們要等我回來, 請不要執住呀. 尤其是 DOUTOR, disk union, PARCO. 我們一定會再見的.
1月 08, 2022
Omicron
記得之前Omicron 未爆時, 加大政府話預計3月應該達至群體免疫. 當初聽見都一頭霧水. 但現在我越來越相信有這個可能. 因為真係爆得好緊要.
我沒有數據在手, 不敢實牙實齒咁講, 否則加大政府話我尋釁滋事. 不過這兩個星期我身邊的同事, 教會, 大廈住客都有 confirm 中招的消息了. 之前早一年都仲有講過華人社區中招率低過西人社區. 但現在已經沒有此說法.
政府新措施是如果覺得自己中招, 有病徵, 你不用出來做測試, 政府是不會提供測試服務給你. 你自己留在家中, 閂埋房門隔離自己幾日, 等佢自然好返便可以了. 即是說你這個 case 由發病到好返政府都可以唔知. 並且沒有機會計入政府的中招人數當中. 這樣的話, 政府每日公布的確診數字就不是反映真實情況啦. 一定有勁多人中左招但沒有俾政府計啦.
所以我們都人心惶惶, 留在家中算了. 我聽過一個理論, 其實長此下去, 每個人應該都會中左一次的. 只不過毒性越來越低, 大家就不會再擔驚受怕. 係囉, 個變種一代一代咁進化, 自然會適者生存, 變得無咁惡, 低調地在世上生存落去.
1月 07, 2022
The Hook Up Plan
看不下去<Emily in Paris>, 但我想看法國劇, 好彩Netflix 還有＜The Hook Up Plan>.
女生A因男友劈腿分手而自暴自棄, 兩位好姊妹想她重新振作, 暗中請了一隻鴨去溝佢. 結果弄假成真, 引發無窮笑料.
首先我本身都有 stereotype, 以為所有法國人都係夜夜笙歌性開放 (即是 Emily in Paris 想 project 出來的東西), 看了就發現都唔係咁呀. 所以直接睇本地劇就可以了解多點真實的文化.
看本地電視劇就可以反映當地的文化. 有些地方的劇讓人看不下去, 即是他們的人讓人看不下去.
我睇這套劇睇得好開心, 充滿幽默感, 偶有一兩句口賤對白亦是神來之筆. 當然過場時不用鐵塔, 鐵塔, 又鐵塔亦看得舒服得多.
我未看 Season 2, 但好似劣評如潮. 哈哈, 睇下點!
1月 05, 2022
看叱咤
好似我未試過咁著緊要去睇/ 聽叱咤, 就算N年前支持林蓮都無咁神心, 要去聽賽果, 更何況我討厭的四大天王年代.
可能很多外在因素, 例如: 人在異鄉啦/ 疫情長期在家啦/ no more 香港新聞渠道啦, 導致令我覺得這是一樣令我覺得仲係好碩果僅存屬於香港的一件事.
Anyway, 今次的叱咤係好好睇嘅, 令我睇得好投入嘅.
好睇在那種熱鬧, 那種朝氣. 我在youtube主力看現場觀眾自己拍的現場片段, 可以聽到現場的歡呼聲幾咁浩大, 幾咁有活力. 氣氛之熾熱, 真的令人感動. 好似覺得香港有救了
雖然今年是Mirror年, 但這種現象不會年年發生, 縱使我唔介意係年年發生, 我喜歡睇佢地, 但都會預期到世事萬物在轉, 一個人一條team 不會永遠獨領天下, 我都會好期待將來有咩人可以比佢地再紅, 咁這個世界才好玩有新氣.
雖然姜濤上年的歌不在我的 top list, 但我是喜歡他的. 我尤其欣賞他的膽量, 他出的歌或做現場表演, 每次總會有點新意. 這是以往前人沒有的膽識. 所以我咁討厭四大天王, 他們令樂壇原地踏步了10年, 他們是有權去帶頭試新野, 但他們沒有, 還不停重覆那種曲風, 好似只得黎明在後期才有變化. 其他3個食屎. 還有陳奕迅亦令我失望, 佢上年仲同人翻唱幾十年前的<我要>, 有無咁老土呀.
所以我好欣賞姜濤, 就算歌藝未成熟, 但會試唔同曲風. 新歌<鏡中鏡>的突破我就好鍾意. 一個人紅一定有原因.
1月 01, 2022
不回頭, 只看前
2021年最後一天, 我沒有回顧自己的打算. 回顧完又沒什麼得著, 要自己記返D唔開心的事又影響心情, 開心的事 keep 住開心的情緒就好.
所以我都不想記回2021發生過自己身上的事, 早兩個月做 performance review 已經同老細做過, 不想再記一次. 不如繼續向前看? 下一年:
令自己唔開心的人就不要來往;
無謂的新聞就看少一點;
開心的事就記住個開心mood;
自己的份內身就要做好佢;
唔關自己的事就無謂加把口;
嘗試令自己進步一點點(咩方面都好);
花多一點錢買件好野, 好過買幾件平野但差質素的;
減少製造垃圾;
跟老朋友多維繫;
學好地道英文...
真的要做齊下一年都好忙.
最後要播一首我今年發現的超好聽的歌, 其實是2019年的作品, 所以沒有放在top 20 中, 但好想介紹一下. 是 Finneas 的<Break my heart again>. 枉我自己話常常聽新野. 但我是今年才知道他. 本身我不喜歡聽Billie Eilish, 所以連她周邊的人都沒有留意. 原來她哥哥 Finneas 的歌是咁好聽的.
這首慘情的<Break my heart again>好好聽, 那個琴聲反覆迴旋, 配著他沒有撚聲的聲線, 真的可以勾起了幾多的心事. 而且個MV亦拍得好好睇, 簡單好看, 特別好喜歡他的打底背心, 個胳肋底位夠貼, 有圍邊的, 一點都唔cheap, 好想買一件. 好多男人的打底背心胳肋底位都好鬆而睇落衣不稱身, 好地盤阿叔. 導致除衫的時候不夠 sexy.
再看他其他的MV, 都有一個特色, 就是喜歡用長鏡頭, 隨著他邊行邊唱邊跳舞或邊換場景. 漸漸地成為他的個人特色. 好野.
所以呢, 現今的年輕人個個有腦有 concept, 如果自身唔努力令自己進步, 要的好易被淘汰.
訂閱：
文章 (Atom)