低手的問題

踏入新公司頭幾日，被安排跟一位資深同事行舖。

當然一邊傾談公事，一邊傾下閒偈，說說大家的私人生活。

同事：咦，你自己一個人住，還是同屋企人住架？

我：我同爸爸媽媽一齊住的。

同事：咦，咁如果你個伴侶上屋企點算呀？

我（繼續若無其事）：咁無所謂架。

.....

你老味呀，死八婆。什麼叫做伴侶？男朋友就男朋友，女朋友就女朋友，我從來未聽過一個人會問對方＂咦，你同你個伴侶會點＂囉！是想chor我個反應，看看我如何表現？有種是不是直接問你喜歡男人還是喜歡女人呢？

經此一役，我就知道這女同事是什麼一個人。從此我就對她毫不客氣，對她所有的冷笑話就以一打三。

＂我幫你接左個電話，你係咪應該請我食飯呀？＂

＂乜你好窮咩？成日要人請食飯！＂

＂你覺得我今日係咪好靚呀？＂

＂我可唔可以唔答呢個問題架？＂

＂你兩個成日行埋一齊係咪有路架！＂

＂為什麼你滿腦子都只係諗起這些東西呢？＂