羊腩煲

 

加大有好多好味的中菜，酒樓點心尤其出色，好多都好吃過香港的美心（我明白不能用這個層次的作比較，但它始終最普及）

加大好多酒樓都有做龍蝦，幾大幾細隻都得，什麼烹調方式又得，既好味又好平，真的好平，酒樓常做特價，３０元加幣有一大碟又有伊麵底。

但來了這麼多年，始終都沒有吃過羊腩煲。一來不多見，二來都幾貴，不捨得。好多年前在香港，街口有一家茶餐廳，每年入冬就有羊腩煲出籠，＄９８港紙就有一煲，連生菜，街坊價都不能，當年還要坐出門口食，好有風味。後來這家店執笠，其他店的羊腩煲又越賣越貴，我都好耐無吃了。

前幾天這裡有酒樓做羊腩煲特價，只是３０元加幣（即是２００元港紙不夠）就有一大煱連生菜，當然心動叫了一個。打開一看，好多舊肉，整整齊齊的，不是切到碎濕濕的那種，相當有誠意，加大的羊原來羊味都好濃，酒樓今次亦煮得好淋好入味，附送的腐乳醬亦都好夠味，吃到我停不了咀。

吃完整個肚都有股暖流在滾動，咪講笑。