識得撈就會襟撈

今年是第一次現場看叱吒, 都算是一個有趣的頒獎禮.
雖然今年得獎的驚喜失奉, 但節目不失流暢, 亦沒有悶場, 看到楊小姐得了獎是全晚我歡呼得最大聲的時候.
朋友說, 今年的歌手們好似好friend咁, 有人上去唱歌, 台下的歌手們會起身跳舞或打氣, 真的一片歌舞昇平的樣子, 沒有同行如敵國的情況.
而我比較不懷好意, 心想: 得不到獎唔通面燶咩! 幾百個攝影機在面前, 有一刻失落的表情都會給人講足一年, 甚至一世, 君不見大家依然會拿一句”你地唔係噓我嘛“來講笑嗎?! 娛樂圈是鬥長命而不是鬥高的地方, 要識得撈先自會襟撈.
所以我覺得台下歌手們的表情比台上的人好看. 要做一齣三小時沒有break的戲, 你估好易架?!