可惜我真是水瓶座

好友感情觸礁，
心情傍惶忐忑．
我們一眾好友立即出手相助．
迷茫的人總喜歡胡思亂想，
好友得知對方是水瓶座的人，
立即上網捜羅水瓶座人性格特徵資料，
以便對症下藥．
我抗議：ＤＬＳ！我咪水瓶座囉．你當溝我咁溝佢用來當試驗．
好友：咁水瓶座的人是否很難捉摸？
我反問：我容易捉摸嗎？
好友：咁我如何了解他呢？水瓶座的人是如何的？
我：咁你可以用我的心態去猜想對方吧．
好友：好的．

結果我收到一份網上水瓶座性格分析概覽，
好友想知內容是否真確．
著我替他回應．
好好好，
橫豎我的卜冇野好寫，
就寫這份“可惜我是水瓶座”的回應啦．

以下是朋友的文章，
我試著以水瓶座人的心態回應．．．

1. 崇尚自由、討厭一成不變
都ｏｋ啦．但我開始怕太多轉變．是年齡因素嗎？
2. 傳統的戀愛不適合他，要曖昧不明情感，反對關係太過制式化
我最討厭曖昧不明的關係．好得閒咩，估估下，多餘．
3. 朋友包羅萬象，形形色色都有，是每個人的朋友
朋友亦有好多．但不是什麼類型都可以做朋友．醜的不能！
4. 對人人都很好，但沒有對誰特別好
當然不是．我好偏心的．咁博愛，醫院咩！
5. 由於崇尚自由及友情，所以戀情常從友情開始；不過因為不喜束縛對方，也不會終日膩在一起，常令人分不清究竟是何種關係
呢個有見地．我不能ｓｔｉｃｋｙ的．
6. 感情一定是從朋友關係開始
咁又未必．．．可以由好多方面開始都得．我好冇所謂的這方面．
7. 喜歡保持若即若離的關係
唔鍾意．不贅．
8. 對人友善，但不容易讓人觸及內心的真情
係呀．我的心事真的沒有人明白的．鳴鳴．．．
9. 在感情方面，因害怕遭受挫折、讓既有的步調與自主性被打亂，便以保護自己為優先
我都唔知佢講乜．
10. 固執
非常！
11. 驕傲
一時時！做人有信心算驕傲嗎？
12. 獨來獨往
係！好喜歡一個人的時光．
13. 飄忽
我自己唔覺．要問身邊的人．
14. 表現得淡淡的，太冷靜
唔會．我好嘈．我身邊的水瓶全部都好ｘ嘈．
15. 理性勝於感性，相當注重思考與智慧
係．我認．其實係感性中帶點性感囉．
16. 討厭失去理智的吵鬧或哭鬧
一定係．藐爆呢ｄ人．
17. 習慣私生活保密，不會透露出個人的隱私或情感
ｏｋ啦．一半半．
18. 不理會外界的批評，處理人際關係也屬於理性型
係．我唔聽別人的忠告的．
19. 喜歡把人事物加以蒐集比較、去蕪存菁
唔明．唔識答．
20. 比較欣賞那種用智慧將他吸引過來的女子
係．我喜歡有思考能力的人．
21. 很喜愛檢驗人的動機，尤其是檢驗你的真誠
咁又唔會．冇咁多疑心．
22. 不擅於應付一對一的親密關係
係．中晒．
23. 心中自有一份理想世界的藍圖，但是卻不輕易示人，因為認為能夠理解的人太少
好似又冇咁理想化喎．
24. 縱使經常是不可預測、讓人難以捉摸，但卻厭惡一切讓你感到不確定的事
咁呢句是同上面的分析自打咀巴？

其實認真的想，
感情是不能這樣星座分析的．
每個人的性格不一．
喜好與星座是沒有關係的．
一個人喜歡你，你去到婆羅奶也會常常找你；
不喜歡你，就算住在隔離，出入都故意細聲啲.