每年初一, 我家總有一些傳統工作要follow的.
一早起床, 我們做仔女的要跟父母跪安的.
媽媽一早弄了些蓮子甜湯,
我們就跪在地上,
向兩老呈上甜湯及送上祝賀說話.
之後他們就會向我們送上紅封包.
今年有點轉變.
我今天一早(9點!) 要到中環跟新公司的同事們團拜.
所以家中的跪安儀式就得延遲了.
咁早去團拜, 正如阿姑所說: 乜得你公司仲要早過TVB!
係囉.
下午去大姨媽家拜年.
我們潮州人最喜歡過年吃蝦棗.
所以姨媽每年都會準備很多蝦棗待我們到她家時即炸.
這些蝦棗我地由細食到大.
所以都吃到咀尖.
她指定要去九龍城街市其中一檔去買的.
不是不試過其他的店,
只是別的店不是粉太多, 就是馬蹄太多太大.
所以我們只肯吃這一間的蝦棗.
媽媽說那個事頭婆很寸, 唔憂做, 話自己大把樓唔洗做都得, 現在一年只間歇性買一兩次云云.
咁又抵得佢咁寸, 因為它的味是其他潮州!菜館也是吃不到的.
今年我怕再食有人退貨, 只吃5粒左右.
但我家中的小孩就鯨吞了10粒啦!
驚人!
花街是每年我指定要姊姊買給娘家的手信.
小時很普遍不覺它好食,
但後來失蹤了很多年就有點想念這個漂亮的盒子.
近年7仔重新引入作獨家發售.
策略不錯, 令我每年也買一盒作聚舊.
其實我麻麻地拖肥, 不過就吃其他的款算數好了.
沒有留言:
發佈留言