一開始是因為首輪評判好睇，所以一直追。首輪評判：Ｅｄｗａｒｄ Ｃｈａｎ，伍詠薇及Ｓｕｎｎｙ Ｃｈａｎ的準則好清晰，評語中肯令人看得心服口服，不似上年鄭融及朱柏謙講野無ｐｏｉｎｔ扮有ｐｏｉｎｔ，扮專業，又好多中英夾雜，聽得我好頂耳，上年因為他們，看了兩三集就沒有看下去了。
本來因為看評判所以入了局，可惜第二輪開始又浮了一批渣豆評判出來，泳兒以為上來ｐｌｕｇ新歌；王君馨上來發仔瘟，但去錯場合；我出奇少爺占與陳柏宇評審及表達能力這麼低，入了行這麼久原來睇事咁膚淺，令我對他們將來的作品打了個折。
講下參加者。
我幾怕男仔少少事就喊喊喊，唔知做乜。
至於心頭好，我喜歡亨仔；Ｔｉｇｅｒ Ｆｏｏ； Ｔａｃｏ； Ｎａｔｈａｎ；ＫＣ。
至於那班大件頭，我始終覺得一粒星是要聲色藝俱備的，如果外型唔吸引，就算唱歌幾勁都好，我是一定唔選的。
至於香印，由始自終我都覺得佢好似 Ｄｉｃｋ Ｌｅｅ，樣子唔驚喜。而且他太高班，是做百老匯的人，如今做電視台是浪費，就算贏了也幫不了他繼續飛，全班考第一不會幫到一個人入哈佛吧。
黃鋒呢，我不明電視台叫這麼多人讚佢做勢幹嗎? 不靚仔又常常拋眉眼，ｙｕｃｋ！
沒有留言:
發佈留言