番茄飯

今晚嘗試做這個大熱的番茄飯- 洗好米，加滴油，加黑椒，放粒原只番茄在中央，冚蓋，如平時煮白飯咁按制。

飯煮好了，打開蓋一看，幾香噃，用勺攪爛個番茄，哎呀，加埋番茄的汁整到成個飯濕淋淋的，下次要落少D水balance 番。

我怕不夠味，加了些北海道海苔乾拌食，又紅又綠都靚D。

坦白說，番茄飯未至於網上大家所說的驚為天人，最大好處應該是簡單方便同埋一大個番茄夠健康吧。至於味道呢，如果只有番茄就太單調，一定要加些其他配料才滿足到。

其實呢，這種烹調方法也不是首創，我初中年代媽媽也是這樣弄午飯給我們的。當年媽媽上班前會把肉餅放入飯煲與飯一齊煮。待我們回家吃午飯時就打隻蛋落去，焗多一會就成了肉餅蛋飯啦，比這個簡陋的番茄飯更多一點味道及愛心添。