11月 05, 2006

性格決定命運

一心一意去看Wild Day Out, 為的是支持關淑怡及蘇打綠的表演. 但換來的是對關小姐的失望與心痛.
期待已久, 終於等到她出場. 歌曲依然是舊的, 亦沒有新的arrangement, 新意欠奉, 與幾個月前的演唱會的一模一樣. 又是食老本, 心想若唱回水準就算數吧. 但一連串的未開聲(晚上7時了,整天未說過話?), 忘記歌詞(唱了10多年的舊歌, 我都懂背了, 她還記不起歌詞?), 甩咀, 跌親(帶了這麼大的墨鏡, 又不是唱早場, 當然容易仆啦!), 投訴觀眾不投入 (你都不認真, 我們都不知如何俾反應!), 最最最驚嚇的是…睇譜??? 唱live要睇譜?? 以前唱合唱團才要看歌譜, 唱pop songs也要? 而且唱的是自己的歌呀! 還要責備排譜的人? 是不是2006年10大音樂奇觀之一? 最後一首是”明年今日”, 又唱這首歌? 演唱會唱過, 電影頒獎禮也唱過, 只是翻唱一首流行曲而已, 第一次唱是難忘, 第二次唱變普通, 第三次唱似唱K! 為何不花心思練多一首歌? 唱”人來人往”對她來說都不難吧!
我這個歌迷是一面看一面心痛的, 傷心到不如你早走不好再唱免出錯了, 或者我離場當沒有看過這次演出. 不然我不用對你減分!
想深一層, 前人說的性格決定命運是沒有錯的. 做事認真的人, 會認真看待每一次的演出機會, 無論大show細show, 接了就是一個performance. 是表現自己能力的一次機會. 做得好別人才會給你下一次. 做得不好但努力, 大家都會多給機會; 但性格自負, 慵懶因循, 別人是幫不上忙的, 一個黃金10年就這樣白白流逝, 有什麼功績大家有目共睹. 要知道觀眾其實是最易受騙, 但亦是最無情的人呀.
雪莉關, 人貴自重.

3 則留言:

Unknown 說...

今日意外地見到你這篇2006的文章。請問你而家仲有無支持關小姐?佢文化中心那個演奏會唱到走音,高音唱唔到,無氣,又要睇歌詞貓紙(Youtube大把片段做證)。本來中西樂器blend埋一齊好優美,但可惜俾佢失望的表現破壞了。

但奇怪佢粉絲仲喺佢FB group話“good show"。

我也默默支持佢27年,但見(聽)到這不合格的表現,也很心痛。而家佢50歲了,身體聲線退化,不自愛的狂吸煙更令聲線傷害加劇。

人生有幾多個10年?但可惜佢好似仲未醒覺,很可惜。咁樣就一生人無好好用盡自己的天賦。

F4 說...

你好呀, 想不到有人看到我8,9 年前的文章. 真是有緣, 所以又伺機抽水: 一個人做過的事, 經歷過姆多年都會被重提. 想說的就如出唱片, 就如演唱會, 發表過就是證據, 跟足你一生一世的. 就似回應你提到的關淑怡, 每一次的演出不論大小都不負責不作好準備, 只會越來越趕客.

我依然是她的歌迷, 但沒有去看她的中樂crossover show了, 真的免得失望. 聽說只唱了10首歌!又一次扼歌迷.

你有沒有看上次潘源良個show,她唱得超差, 又藉口話病影響演出, 根本她都沒有好過....

Unknown 說...

同埋我覺得佢無堅強的鬥志力,成日最後完成唔到目標(林憶蓮就相反,佢的優點係好有organization and leadership skills),例如以前話作曲,搞舞台劇,等等,到最後... 譚校長,黃耀明都扶了佢好多次,但總有終結時。

我最最最想知道係那些失場,成日遲到,無做好工作準備工夫的傳聞是真是假,想知道佢係真無辜定係唔誠實地扮被屈,但真相只有她自己內心的良知,同真係同佢一起工作過的人先知。(我都想試下同佢做一次同事,睇下佢工作係點樣,哈)。