警隊花瓶

續個鐘的躂跳

電話鈴聲響起...
B: 喂~
A: WEI~~~~~~
B: 點呀~ 死八婆~~
A: 嘻嘻. 打嚟問候你嘛.
B: 咁好呀, 多謝你呀. 我很好. 不過有時乾左少少咁囉.
A: 哈哈, 咁呀.... 轉天氣乾燥痕癢又嚟啦.... 一聽就知你"係痕"架啦!
B: 死八婆. 你唔係 ! 同我鬥乾? 你輸硬!
A: 喂, 你記唔記得上次果條仔.
B: 記得... 叫你打探人地係乜野, 你都冇聲冇氣.
A: 咁人地要時間架嘛....
B: 咁點呀, 八到D咩先, 結左婚生埋仔, 定係基佬嚟架?
A: 兩樣都唔係.
B: 哈哈, 係外星人. 因為太正, 冇理由係地球上出現.
A: 黐線. 人地有女朋友架.
B: 車～～～～嘥晒. 係嘥洗晒.
A: 咁你都可以去撞下佢既. 人地當差架.
B: 嘩! 男子漢嚟架. 好MAN喎.... 佢會唔會講咪郁架?
A: 會架.
B: 咁你知唔知佢守邊度? 等我去等佢.
A: 唔知喎. 哈哈. 搵佢做咩遮....
B: 去報失呀. 同佢講唔見左隻豬, 要佢幫我搵得唔得呀!
A: 哈哈, 咁都講得出, 人地告你阻差辦工啦.
B: eerrrrr, 咁咪話唔見左支筆想佢幫我搵都得卦.
A: 你咪阻住人捉賊啦.
B: 哈, 我就係唔想佢捉賊. 佢咁靚, 不如只係做花瓶好啦. 即係呢, 將佢變成紙板人, 或者上電視叫大家安全過馬路, 好似: "你地呀... 過馬路要小心喎, 唔好要我擔心呀!" 我諗呀, 以後一定路上零意外添呀.
A: 哈哈, 你去死啦. 恨仔恨到咁.
B: 車, 你估我呢D事業型新女性好易做呀. 我都想要個靚仔提我過馬路要小心遮...
A: 而家咪有李勤叫你小心囉.
B: 妖. 冇野啦. 好啦. 收線啦. 開會呀.... 拜.