娜姐一直以來都鼓勵大家找尋性福，咁多年來，無論歌曲或表演都SEX SEX聲不遺餘力。
當中最表表者一定是從 Justify my love 過渡去 Erotica 的階段。嘩，佢當年夾埋本SEX寫真集同隻碟一齊推出，真的成個性女咁。可惜當時我未夠秤，身邊的同學朋友也是，所以冇買亦睇唔到本寫真。到而家, 我有時去二手書店特登找也找不到. 我知, 娜姐的包包誰未看過, 有什麼好看, 只是想看看本書的排版及art direction, 因為娜姐出品, 一定要求好高一定靚.（話時話，邊個有本寫真集，好想睇下，借來吖！）
話又說回來, 當時推出的 Erotica 專輯, 我覺得當時的話題性完全蓋過了她的音樂, 這是很可惜的. 因為我覺得Erotica這大碟是真 好聽的. 碟內有好多歌曲已經成為我心目中的經典. 常常找出來聽也百聽不厭. 一點也不過時.
我是真心喜歡主題曲Erotica,旋律及編曲做得好好, 好sexy, 仲要配上娜姐只此一家的whispering腔口, 好正!
我說這隻碟的歌好聽, 是真心的. 因為Erotica 之外, Deeper & deeper, Fever, Bad Girl, Rain... 真是首首重要. 這首Bad Girl, MV 都好好睇.
衰女, 隊天光, 周街搵人隨便錫, 今日食左太多煙喇喂, 我咁樣做其實我不開心的...
Rain 又何嘗不重要. 個MV靚到.
我一直覺得當年娜姐MV在的做手就是影響了關淑怡在她第一次演唱會及之後My way時期的台風.
沒有留言:
發佈留言