素顏上班去

好難每日返工都set行晒個人的.
雖然公司要求大家返工要裇衫打呔,
但大熱天時叫我穿戴整齊從屋企出發,
返到公司一定成個人熱到溶左.
我好憎自己成身汗住咁返到公司,
否則一定黑面到日落.

於是我習慣了一身素顏返工的.
放長裇衫, 波鞋, 戴眼鏡, 未gel頭...咁樣回到公司.
返回座位, 開了電腦,
二話不說立即大變身.
攝裇衫, 打呔, 換皮鞋, 帶con, gel頭….
10分鐘內執番個樣,
大大步的穿梭辦公室.
好讓大家知道我回到office了.

不過咁.
真的不能日日都穿戴非常整齊的回到公司.
日日咁行, 偶然一日不好看, 就會被人笑我是否落完仔.
所以我平常都是一貫的唔大執的上班.
但偶然一兩日心情好狀態夠的時候打理一下,
做個新look返工,
大家眼前一亮之餘,
最緊要的話俾人知: 我是一個執-able的人!