我的棄狗迎豬

報章說近來港人越來越喜歡傳統習俗, 我同意, 因為自己都係咁.
唔通真的年紀越大, 越喜歡做傳統老土事?
就以過年為例, 我越來越喜歡做齊一些家裡的傳統習俗, 一來想加添一點過年氣氛, 二來覺得有些特別事做好似好好玩咁.
1. 要買年花過年. 一年一次買花, 放在家中, 放工回家看到它每天開一點都幾開心的. 其實一直想種水仙, 好香. 但好似好複雜, 所以從未試過.
2. 買底衫褲. 一次過將上一年的底衫褲丟棄, 再換過新的. 身體不能換, 換身外物也是好的.
3. 去拜年. 以前會藐這個行為, 到親友家拜年好悶, 覺得很沒趣, 但現在又覺得ok了, 可能一年才見一次面, 不要這麼沒禮貌吧.
4. 用柚葉沖身. 小朋友的時候媽媽會為我們準備這東西的. 從小喜歡這種香葉味, 所以現在每年新年都會做一次, 就是想嗅嗅這種香氣.
不過有一件事就越大越抗拒, 就是行花市. 簡直要命, 全部都是人, 不只沒有機會行近檔攤, 每次行完都成身汗味. 討厭! 所以好像已經幾年沒有行花市了.

祝大家愉快豬年!