今天終於去了相親

於媽媽的苦心經營,
我被安排今天下午去跟人去相親.

媽: 你今天去完教會去北京道一號的齋店與我們食晏喎.
我: 我們從來不去齋店吃飯的. 為何你會去呢? 是不是約了阿嬸?
媽: HEY, 咁一齊食個晏, 有咩咁大件事呢.

哎呀, 阿媽, 早響嘛.
於是我立即去洗頭沖涼戴CON再揀衫先出門口. 不是為了那個女仔, 而是為了家聲呀.
我平時上教會真的是素顏一張的.
但如果要見陌生人,
為了家聲, 做戲都要做全套啦.

好, 我又看看你們攪什麼花樣.

一去到, 我全家到齊.
嘩!洗唔洗呀.
我借機跟甥仔女一起坐.
不久, 阿嬸跟大女到了.
媽媽興奮的走向阿嬸處: 哎呀, 乜咁啱既.
嬸: eee, 咁啱呀, 我地來飲茶囉. 真巧呢.

好心啦. 下午3點來飲咩茶呀.
成個場只剩鄰坐郭耀明與他的男性友人一起吃東西.
仲耍扮相遇. d戲咁屎, 想點呀!
難為大女原來真的不知道她媽媽的來意,
我見到佢一臉突然真的很慘.
為了暫停她們繼續做戲下去,
我說: 坐啦一齊, 我地加兩個位啦.

媽跟大女說: 你記得我嗎?
大女: 記得. 阿姨你咁靚.
哈哈, 這個大女有料到!
媽: 係呀. 你叫咩名呢?
大女: 我叫....
媽: (示意我) 你們介紹自己啦...

下刪一千字.

嬸: 來叫一些點心啦. 這裡的點心很好吃的. 我們常常來的. 同埋我地有8 折咭呢.
媽: 係呀, 好好好, 你(問大女)提議食什麼呢?
大女: 吃蝦餃同义燒包啦. d味好真的. 嘻嘻.
做咩來齋店吃肉味的點心呢! 我就是不明這些人的心態!
我: 係呀? 好好好...

再下刪3千字

媽: 哎呀, 真係好啦. 現在你們認識了, 下次係街見到都不會認不到對方呢.
媽! 我不打算在動物園見到她呀!
我: 哈哈, 係係.
媽: 係啦. (叫我) 你比張咭片人地啦. 等你地可以溝通下嘛.
我: 我放假不帶咭片出街的.
媽: 咁呀... 你地囉張紙寫低電話email啦. 你地而家成日用電腦家嘛...
好在阿媽唔識面書!!! 否則要我加佢面書點算...

再下刪2千字

媽問大女: 你幾多歲?
大女尷笑.
我: 嘩! 你點可以咁問人架...
大女: 哈哈, (對住我媽) 我咪同你差唔多囉.
媽: 點會呢. 我大你咁多.
大女: 好好好, 我下次話你知下.
媽: 你點話我知?
大女: 我寄聖誕咭比你話你知.
媽: 哈哈, 好.

下刪2千字
waiter來示意結帳.

媽: 好啦. 我們下次再飲過下.
我: 係囉, 我們下次再來過, 試晒整座大樓的茶樓吧.

電梯內

媽: 阿嬸, 你地去邊呢?
嬸: 我地番屋企囉. 我地好少周圍去的.
下? 一場來到尖沙咀只係吃餐咁既飯. 個大女真係慘. DKNY做緊大減價, 行下都好呀!
我: 係呀. 好好. 咁我地再飲茶呀. 拜拜...

於是我離開所有人, 約了好友占, 二話不說緊緊抱了他一下, 心裡流了一滴淚...



我是否這麼的不濟?
晚上剛巧公關女好友打來說遇見了我一位舊人,
並說舊人有了一位新人.
我問: 是不是比我醜的?
公關女: 你一點也不醜, 而那個人是醜的.
嘩嗄嗄!!!
我連一個醜的都比不上!!!!!!!!!