媽媽要我去相親

昨夜, 我正在看電視台的歌唱比賽.
媽媽笑笑口的走過來坐在我旁.

媽: 你記唔記得上年去姨媽度拜年見到阿嬸的兩個女?
我: 下? 有咩? 咩人來的?
媽: 阿嬸果兩個女喎.
我: 唔記得.
媽: 人地記得你喎.
我: 嘩. 你想講咩?
媽: 冇. 如果得閒囉, 咪同人地飲餐茶, 可能有得發展呢.
我: 嘩. 唔係嘩... 做埋d咁既野. 唔去.
媽: 咩姐, 你自己又懶懶閒. 咪我地幫你睇下啦.
我: 唔洗你幫啦.
媽: 唔係呢. 人地兩個都好好架. 大的細你4年, 小的細你6年. 其實大的啱你d, 不過人地做會計 . 我就想要個細的, 做物理治療師.
我: 下? 你想有個免費的治療師幫我做物理治療呀??
媽: 係呀.
我: 噓! 唔去.
媽: 咁呀. 我地百年歸老都有個人陪你睇戲呀.
我: 你而家都冇陪我睇戲!
媽: 哎呀, 咪去飲餐茶之嘛, 睇下之嘛. 可能大家都啱, 又或者大家都唔啱呢. 睇下之嘛.
我: eee... 唔去.
媽: 人地女仔來的. 屋企好嚴, 未拍過拖架.
我: 廿幾歲都未拍拖, 咁嚴咪害死人囉. 我唔做佢第一個呀.
媽: 車. 唔通沙沙滾咁好呀.
(我其實好想同阿媽講我最喜歡同烈女玩架乍!)
我: 哎... 咪攪啦. 我連果個阿嬸係邊個都未知...
媽: 阿嬸咪係姨丈個兄弟個老婆.
我: 咁疏...唔怪得我一d印象都冇.
媽: 咩呀. 阿嬸咪新年比10蚊利是果個囉. 人地好慳的.
我: 嘩. d仔女都出來做野都仲咁慳. 咁同我一齊咪死. 冇得洗錢.
媽: 你又講開第二樣野啦.
我: 不如睇完電視先. 你睇. 呢個唱得幾衰....

後記:
比阿媽講兩講. 我有d心郁郁想去試下相親, 一來等媽媽安心, 二來到時可以有野寫.
但我對此有兩個得著.
1. 千祁唔好比阿媽知自己係處女, 否則比佢當賣點周圍講. 瘀死.
2. 新年利是一定要比多過$10, 否則比陌生人記一世, 仲瘀.