9月 02, 2021

Mirror 搶晒D廣告

 近來有雜誌專題報導 Mirror 的廣告現象, 並進行分析. 其實看真一點, 報導中的分析內容及能力欠奉, 其中幾版用來介紹12個人, 充撐版面, 看來只是藉他們的名聲來搏銷量, 即是渾水摸魚.

不過可以引來一片討論: Mirror 搶晒其他明星藝人的 jobs, 是黑人憎的行為. 其實講得出咁既野的人就只會顯示自己唔識野同無知. 

近10年, 我離港前做 Marketing, 要搵明星代言都不知幾慘. 因為無一粒星成氣候. 我們最想搵的不是那些極紅的明星 (其實近10年是唧唔出一粒極紅的星, 坦白說 Eason, 容祖, 千嬅都未算 super stars level, 可以呼風喚雨. 而再前一批的四大天王又太老及太悶. 所以我們是揀唔到人選, 結果要 send email 去日本總部問佢地攞日本明星 royalty, 用返日本條片來香港播. 自己香港沒有能力有明星去擔正拍廣告片, 你話是否羞家! 幫品牌做勢, 我要找個 up and coming 的明星, 結果有時老細只好揀些 down and going 的, 比我們做細既背後藐佢, 但沒有辦法, 無人呀.

所以而家一班Mirror Error 走晒出來, 我們都不知幾開心, 有12 + 4, 一次過有16 個人揀呀, 全部 up and coming, 不是老弱殘兵, 個個面紅紅, 雄心壯志咁既樣, 幾好睇呀. 當然請佢地啦. 仲請韓星? 知唔知D韓國經理人有幾黑人憎, 條件有幾獅子開大口? 同佢地傾合約好似求大王咁. 現在香港有返本土明星出產不知幾吐氣揚眉. 那些眼紅人地的經理人只怪自己捧人能力不夠. 

Jobs 係無得做晒既. 做廣告客戶也想有新意. 但是沒辦法, 而且你當做客既笨的麼? 你手下個明星唔吸引, 我係唔會請的. 因為拍個廣告還有其他成本, 就算平到個明星, 追唔到生意, 被炒的是我, 我點會冒這個險, 請個未夠紅的. 再說代言人費用不是在我人工扣嘛, 有Budget 請個貴的當然俾.

不過, 整個討論我覺得最賤的是那些所謂資深廣告人的評語. 有人說這個現象不健康, 長此落去是不好的. 阿叔, 你做緊東張西望? "做運動有益身心, 不過過量的運動就會令身體負荷啦". 做左幾十年廣告講得出呢D廢話, 你醜唔醜. 仲話自己做創作! 而且我唔信你間廣告公司無提議過比客人請他們做代言人, 自己都有份做成這個氣候啦. 教完人生仔, 跟住話唔好生仔. 咁都得 ?!

時代不同啦, 無人知將來發生什麼事, 我們已經不能用以前那一套來 judge 今天的現象是好是壞. 只可以go with the flow, 以前名牌子是不會共用明星的, 現在他們全部共享 Mirror Error 而不再堅持那一套了, 咁你又點可以話這個風氣不可長? 坦白說, 你會認為5年後依然會咁行嗎? 市場會自動調節的, 可能有人離開, 可能有另一批新星走出來, 變數太大了. 不如做好而家的 job , 提升廣告質素先啦.