6月 24, 2022

Netflix

 究竟 Netflix 仲有咩好睇呢?當我最喜愛追看的 Kim's Convenience 及 Grace and Frankie 都已經做完, 還有什麼好看的劇集呢? 

早幾年, 他們的原創劇大都是青少年校園劇, 我只覺是一大批低成本製作, 而且對象是年輕的一群, 我自覺太老去看這種劇. 所以主力看其他國家買回來的劇. 除了上面提及的, 我還有追 The Line of Duty. 可惜不知道幾時才有新一季.  另外 Lupid 都好睇的, 不過又是不知幾時才有第三季.

最不喜歡他們有太多韓劇, 太少日劇. 我曾經打開39來看的, 可是看了10分鐘後又覺得看不下去. 不喜歡那些主角的打扮及服飾呢. 劇情又吸引不到我. 不知是否有地區性因素, 加大Netflix的日劇選擇少得可憐. 有得揀的都是些畸情, 奇幻, 血腥的元素, 劇本弱只是一味的視覺刺激, 跟一般的日劇走的路線好不同. 所以又是揀不落手. 

6月 14, 2022

Grace and Frankie

 

今年有兩套 Netflix 我追了好耐的電視劇都收皮, 一是< Kim's Convenience >, 另一套是 <Grace and Frankie >, 真的令我若有所失唔知點算好.

這兩套劇由香港睇到來加大, 是生活的見證, 陪伴著我的一段人生, 尤其是 <Grace and Frankie>, 一共7季, 好多年, 好好睇. 看著 Lily Tomlin 與 Jane Fonda 由互藐到互愛, 又合情又合理, 看著她們兩家人的生活, 好似一齊成長一樣. 當然她們二人都80幾歲, 都不忍心讓她們粗勞, 好好退下來, 休息一下也是好的. 

每次想起她們的年齡與外表, 真的是一個好好的借鏡, 也在提醒自己要老得優雅, 畢竟我都好快會老, 是時候好為自己作準備: 外型上啦, 談吐上啦, 生活要求啦, 飲食選擇啦, 娛樂活動啦.... 最重要還是心態. 

有些人越老越喜歡話事, 樣樣都要加意見; 有些人越老越唔想理事, 讓後生的去做. 我越來越似後者, 近月, 公司來了幾個暑期工後生仔, 個個做得我個仔咁濟, 看到他們都醒醒目目, 忽然覺得我都係無謂講咁多, 不用下下教他們怎樣做. 其實佢地仲叻過我, 不如講少幾句仲好. 結果, 佢地反而好開心好投入. 我想我這樣處理是對的. 任他們發揮吧, 讓我多出來的時間去看 Mirror 吧.