Uncoupled

<SATC> 的製作人早前做了套難睇的 <Emily in Paris>, 話咁快又有一套 <Uncoupled>, 見佢係半小時劇, 共8集, 即total 4小時, 好啦豪俾佢. 

兩三日就睇完了. 

不能說好正呀, 好inspiring 呀果種, 但至少沒有 Emily In Paris 條八婆不斷擠眉弄眼狂放生電果種恐怖. 

有人批評此劇的人物空洞沒深度, 點呀4個小時咁多野做, 有得幾深度? 睇個trailer 都知佢係吹波糖劇啦. 真是睇錯胸圍買錯bra.

在我而言, 三年沒有得去旅行, 現在就是靠看劇睇風景當旅行 (所以不喜歡看廠景劇), 而這套劇有好多NEW YORK CITY的風景睇, 真係好開心. 劇中人物生活中產好似識印銀紙咁, 看得真開心, 靚人靚景沒有財政負擔的生活, 對觀眾來說是一個好好的烏托邦.

至於劇情, 都是花花碌碌, 主角50歲人被拋棄後每集瞓一條新仔咁樣, 你會期待什麼呢! 頭7集都是拖拖拉拉的, 走馬看花邊看邊劃手機便可, 但第8集大結局的wrap up做得幾好, 仲有少少伏線, 讓人期待Season 2 手法不錯.  

休息再出發

鏡仔因演唱會事件而叫停工作兩個月, 於8月及9月休息一下, 暫時離開大眾一段時間, 其實這也是一個不錯的決定.

至少第一個好處是讓觀眾休息一下, 大家這兩年日日見, 太密集, 有適當的休息時間, 等大家沒有得見他們, 餓一下大家胃口, 這也是不錯的停頓位.

只是刁鑽的觀眾如我, 就會期待再見他們的時候會有一點不同, 我明白兩個月咁少, 有得幾大不同?我不是要求有極大的轉變, 例如立即變做憂鬱小生, which doesn't make sense, 但我都想他們的come back 會給予大家"又進步了"的感覺.

畢竟經歷這麼大的事情, 很難如沒事人一樣, 笑嘻嘻, 或以前咁彈下彈下咁走出來. 我都相信這件事會令他們成長, 而公司就更加要面對現實, 不能要求他們當沒事人一樣, 要他們做著以往做開的娛賓技倆. 反而讓人覺得仲假, 畢竟他們都sell 緊真性情.

現在他們偶然發佈一下IG, 我反而覺得仲好. 以前他們好努力咁日日post行蹤, 其實都做夠了, 太有一種為照顧老闆而做的感覺. 現在得閒才見到一兩個 post出現, 反而讓人有更多想像空間, 吊住我們一班消費者的胃口, 策略是成功的.

期待他們出關的日子. 

iSWIM

 iSWIM 有幾難睇? iSWIM真係好難睇.

我平時追日劇, 10集一劇, 難睇的點都可以捱到尾. 但這套iSWIM, 我當初每晚追看, 看了一個星期, 第二個星期已經提不起興趣再看餘下的 6 - 10集. 剛巧網上的評論這麼差, 我想我不看是沒有損失的.

劇本當然是主要問題吧. 你以為我未讀過中學, 未參加過水運會? 裡面的內容跟現實相差得太遠了. 他們是中幾的學生? F.4? F.5? F.6? 點解唔提呢? 怕BB仔小器? 弄到導演要出來解題, 就表示沒有人看得明白. 這些情況, 香港的導演都有這個弱點, MV也好, 廣告也好, 有好多時都要解題, 講定前設, 你叻就大家一看製成品已經知道講乜, 如果睇完要你解釋, 就是你講故事能力弱, 要好好努力.

另外, 此劇的對白及角色們的反應都好奇怪, 為什麼一開始李馬榮對班主任可以咁無禮貌? 有沒有背景原因? 那種對答不像一般學生跟老師串咀的程度. 而且成日講到好有計謀咁去算出賽計劃, 什麼"李馬榮, 你咁樣做好危險", 故弄玄虛. 

如果套劇咁弱就不要吹到咁大. 如果事前沒有吹到咁誇張, 大家沒有抱大期望反而失望的回響可能會低一點.

事後安排

出事到現在個幾星期, 其實12子的公司是否可以做得更好? I mean in PR prospective. 現在好多公司都是成也公關敗也公關, 所以電視台也好,  經理人公司也好, 這幾個月的公關真的好劣, 由賣票, 到入會, 到宣傳, 到 iSwim 劣評, 到開騷, 到意外後的安排, 無一樣野做得好, 跟上年做乜都比人讚相差好遠, 是否換了個 PR team? 

這個時代, 全部都是靠風向輿論令件 product 好賣, 好少是因為件 product itself 品質好而出名. 我一直以為魯生深明這個道理, 否則佢不會成日出來接受訪問及出IG賺PR. 而且我覺得他是一個PR能手, 所以令我好好奇為何這幾個月來負面新聞咁多, 他都沒有做什麼野, 去改變風向, 變成捱罵, 比人狂砌.

正如 12 個仔出事後這樣潛水是否適當? 我贊成減少曝光或代言廣告或做那些好開心的表演, 但是否需要 cut 已定好的幾個星期後的海外騷, 或長期 disappear 社交媒體呢, 咁我不是公司高層, 我不知他們的策略呀. 但我是鏡粉, 只是想知他們是否安好, 報下平安, 唔洗成日只係得樂壇新晉大姨媽可以埋到身, 仲要佢出錢安排安慰12個仔, 令人覺得公司乜都唔洗付出咁. 這樣也是PR的一部分.

正念

Mirror 演唱會發生意外, 當然嚇親, 有好朋友當晚在場, 發了片段給我看. 就算是越洋的我, 看著影片, 心裡面也很難過. 當年林子祥在汪明荃的演唱會失足跌落台我也在現場, 提起還心有餘悸, 可以想像今次的現場觀眾當時有幾吃驚.

事發後這段日子我們也有為傷者禱告, 剛巧其中一位傷者的父親是在加拿大工作, 感覺有點地域上的親近. 有時我亦會收到教友傳來的代禱要求, 所以我們也有為他們禱告. 

康復的路是漫長的, 但好彩年青, 一定可以比年長的心康復我更快, 及康復的效果會更好. 心存正念便可以了. 腦是懂得聽指令的, 3位傷者要不停同自己個腦講"我要好返", "我要好返", 給身體有這個mission, 這些正向思想是會 lead 到個腦去令個身體朝向康復的方向, in short 即是意志力勝過一切. 

我的康復之路也是這麼走過來的, 我當時也是這樣同個腦講野的.