Uncoupled

<SATC> 的製作人早前做了套難睇的 <Emily in Paris>, 話咁快又有一套 <Uncoupled>, 見佢係半小時劇, 共8集, 即total 4小時, 好啦豪俾佢. 

兩三日就睇完了. 

不能說好正呀, 好inspiring 呀果種, 但至少沒有 Emily In Paris 條八婆不斷擠眉弄眼狂放生電果種恐怖. 

有人批評此劇的人物空洞沒深度, 點呀4個小時咁多野做, 有得幾深度? 睇個trailer 都知佢係吹波糖劇啦. 真是睇錯胸圍買錯bra.

在我而言, 三年沒有得去旅行, 現在就是靠看劇睇風景當旅行 (所以不喜歡看廠景劇), 而這套劇有好多NEW YORK CITY的風景睇, 真係好開心. 劇中人物生活中產好似識印銀紙咁, 看得真開心, 靚人靚景沒有財政負擔的生活, 對觀眾來說是一個好好的烏托邦.

至於劇情, 都是花花碌碌, 主角50歲人被拋棄後每集瞓一條新仔咁樣, 你會期待什麼呢! 頭7集都是拖拖拉拉的, 走馬看花邊看邊劃手機便可, 但第8集大結局的wrap up做得幾好, 仲有少少伏線, 讓人期待Season 2 手法不錯.