認識新朋友

認識新朋友, 沒什麼目的, 不要想太多: 貪你著數? 有很多免費唱片? 想你介紹幾個名人給我?
還是買野有discount? 買樓有7折?

這些都沒興趣吧. 不是自命清高, 而是講得是著數都是物質性的. 我又不是窮到沒飯開的階段, 貪你這些物質幹麼. 有免費唱片? 不知為何, 不是自己掏腰包買的唱片總是不夠好聽. 想你介紹多幾個名人給我有咩用? 我又不稀罕這種友誼. 曾經有朋友很自豪自己是一些名人(其實在我眼中未夠名) 的麻將腳, 而沾沾自喜, 我又不覺羨慕. 就算憶蓮是我的麻將腳又點? 輸了錢咪又要還. 買野有discount? 我買的東西都是大眾平民貨色, 平完個7 折都只是幾十蚊而己. 如果因為靠朋友而比人話我貪小便宜, 我掉返比你好了. 至於買樓7折? 係好吸引, 但我有屋住, 又唔恨要買咁貴的東西.

總之一句: 我唔恨!

人唔恨一樣野就可以理直氣壯. 而朋友之間的關係不是建基於這樣利害之中. 我結識新朋友因為可以啟發自己呀. 從朋友對一件事的想法甚至處理方式都可以激發自己的思維. "咦, 原來他會這樣看這件事." "咦, 原來他覺我這樣做是不對的＂... 一樣米養百樣人, 不是要我跟他一樣, 只是擴闊一下眼界亦很好呀. 做人最終目的是要開心, 眼界一寬, 心就開.