賤円鬥窮人

心情實在太興奮，很想跟大家分享我的喜悅，所以2014歌曲倒數也要讓歩，趁我仲有果團火，立即寫左出來先，否則過了氣什麼也寫不來的。

要說的是剛在新年的時候去了東京一趟。八月的時候本來只打算新年的時候去東京買福袋及趁減價購物，當時円還是7點幾，所以心情沒什麼特別。但接近年尾，曄，D円跌到咁，我93年第一去的時候還是7.2呀，現在是6.5，是我遇來最低的價，完全是當賺了很多。

我一直都覺得日本買野是很肉赤的，但眼見近年香港及大陸D野越來越貴，仆佢個街大家樂早餐要＄22而只是油占多就已經出廣告話好抵時，日本的東西這些年來加咁少價就相對真的越來越抵了。

今次是第一次見識何謂日本新年大減價的盛況，原來D野真的可以咁平，仲要係靚cutting，料好喎！例如Beams 一條褲11,000円，減價打個7折，之後可退稅即場免收8％，再乘以6.5的兌換率，頂你最後只是港幣500元有交易！，在香港點得呀！而且D款又不夠人多啦！你話唔興奮就假了。

唔單只一間鋪係咁，而係好多間都係咁。你話點會唔買吖！去到最後已經將帶在身的円用晒而要簽咭了。本來想節制，但真的好吸引，不想後悔，最後還不是把心一橫「唏，買撚左先講！」就俾錢去也。哈哈！

跟朋友分享今次購物的興奮，十分認同他說的：今次真係「賤円鬥窮人」了！