回港探親

 接近四年沒有回港。

本來打算就算搬到加大，都會一年一次回港探探親戚朋友。結果人算不如天算，遇上世紀疫情，一停就是三年多四年，話多唔多，唔係，其實四年真係好多。

今次回港的總結 — 趕！

好多朋友想見，好多地方想去，好多野想食，好想去Ｍ＋，好想睇場港產片，好想睇場有中文字幕的西片，好多東西想買，好多舊物品想寄回加大。

結果只是夠時間見見朋友，雖然不是每個之前講好了的朋友都可以見到面，但好開心大部分朋友都見得到，仲可以見到兩次。

整個ｔｒｉｐ ｊｅｔｌａｇ左兩個幾星期，真的是年紀大，已經對抗不了時差。頭一個星期每晚三點半扎醒，之後半夢半醒的捱到７點，聽下雲妮鐘情及晴朗。之前在加大，我是在晚上時候聽的節目，現在回到正常的時間聽，覺得好有趣。反而有種＂這些應該是晚間節目才對呀"的感覺。

在港的頭幾天，日日喉嚨痕，加上不夠瞓，嚇死我，以為中了招，日日起身做快測之沒有事，結果要去看醫生，好彩只是地區差別，加上日日講野，只是普通喉嚨發炎而已。第二個星期都回復正常了。

香港帶口罩的氣氛比加大非常不同。大部分身邊的人都沒有帶口罩了。反而我這些加燦仲一開始帶兩個口罩回港，真是比人笑死。結果過幾日，我都越來越鬆懈，常常忘了要帶上口罩。其實是加大華人身嬌肉貴，比較錫身吧。

今次想行街大行特行做不到，想去博物館去唔到，想睇場電影無影。不緊要，最重要是見朋友，見到了，行程就完成了。