讚你好戲

聽過一個理論: 假如你的日文程度好高, 高到日本人會讚你: 你的日文說得很好呀! 

這其實表示你的日文依然未到自然的階段. 日本人的禮貌其實在暗示我依然聽得出你不是本地人呀.

當我看 The Father 時, 我就有這種感覺. 正如大家所說: Anthony Hopkins 做得好好呀, 他的演技好精湛. 非常好戲. 我都有同感. 但就是有種做戲的感覺. 看得我不夠投入, 總覺得他在演.

至於什麼才不是在演? 

剛巧近來亦有一齣講父親的作品, 叫<我家的故事>的日劇. 故事講一位中了風的父親與子女之間的關係. 只要大家看看西田敏行的表現, 就會覺得他完全不是在演戲, 好似真真正正的一位中了風的老人家. 我不劇透. 但大家去看第10集大結局, 他與兒子長瀨智也一邊唱能樂一邊談話的一段戲. 你就會完全被他吸引著, 那一字一句的揪心, 給我好大好大的打擊. 真的是我近年看得最震撼的一段戲. 西田敏行的自然表演真的比 Anthony Hopkins 更令我感動好多好多.

Personal Trainer

講開做運動, 早年我都的起心肝去找 personal trainer 幫我做運動. 當年的原因好簡單, 因為接近40歲, 我從來未試過瘦, 想人生有一次試下瘦的滋味. 幾十年來有試過節食或什麼的方法, 但真的減唔成, 所以把心一橫找個PT幫手. 

一直沒有這樣做, 因為唔捨得呀! PT收費這麼貴. 大約$600/ 一小時. 一星期一次, 一個月4個星期即是 $2,400. 嘩, $2,400 我可以買到好多唱片. 而且一個星期一次是不太足夠的. 

但為了這個人生的一大願望, 咁就豪一次當作給自己的生日禮物.

我committed就會好投入啦. 好彩遇到一位好有心的PT, 我同他會set 目標. 就是減肥. 不是練大隻. 有了目標之後, PT會編排動作給我. 一開始的時候真的好辛苦. 我的汗多到如流水般滴濕整張蓆. 而且辛苦到吐口水的. 哈哈.

我自問是一個非常投入的學生, 每次一小時的訓練, 我是不會停下來去飲水去休息的. 只得一小時咁短, 去來做什麼. $10一分鐘呢! 所以我都不明白為什麼那麼多人喜歡一邊同PT做運動, 一邊停下來吹水. $10一分鐘呀, 我比錢來傾偈? no way! 

所以我覺得我個PT都感受到我的做法. 動作是一個接一個的.  就是這樣鞭策自己, 我才真的減出成績來. 我真的越做越開心, 高峰期我是減二十磅, 兩頰是削了一大截, 頸是瘦到起筋的. 哈哈. 

如是者, 做出個自信來. 而且亦喜歡自動自覺去做運動. 縱使後來沒有用PT, 但已經培養了做運動的心. 這才是貴一貴找PT的最大好處.  

咖啡粉

 講開 youtubers, 我近來看得最多的頻道第一是 Mirror, 第二是 Coffee 教瑜伽.

我講了N次我對鏡團的熱愛, 不贅.

至於 Coffee 教瑜伽, 由於加大日日實行留家令, 我個肚腩真的一日大過一日. 我其實有時會在家做下 SIT UP或掌上壓之類的, 但自己自發性做的效果始終不及有個 COACH 指導的好 因為自己會就住就住, 自然地不會想做些高難度動作, 所以 at the end 運動量不夠, 減不到什麼磅. 最緊要睇得到自己做來做去沒怎麼流汗, 即是沒做過什麼運動.

有報導說 Coffee 的 youtube 是十大人氣 channel, 所以上去看看. 看了一集, 真的不錯喎, 跟以往gathering 事件給我的印象完全180度轉變過來. 

現在我的目標是randomly 抽她一條片, 跟她一起做運動. 

Let me summarize 點解我咁喜歡看她的運動片:

1. 原因一, 她的片是在家拍的. 不似其實熱門instructors 般在一個大白背景好空曠的環境下做運動. Coffee 好有真實感, 她只是攤開張瑜伽蓆在家中的廳做運動. 令我想到她都是這樣 setting, 我沒有藉口家中不夠地方, 我手腳伸不到長什麼什麼而不做運動吧.

2. 她的片不太長, 每次運動全長約30多分鐘. 每個動作20秒左右. 唔算長. 

3. 她的動作不算高難度, 唔趕客呀. 做的時候有成功感.

4. 她一邊做一邊會呻下辛苦, 呻下熱, 好人性化. 唔似一些強悍鬼婆好似機械人咁既樣.

5. 佢好 fit, 是一個好好的人辧! 我一定要 fit!

6. 佢有時讓個仔自己走來走去, 好真實, 有次個仔午睡扎醒找媽媽扭抱, 睇佢抱住個仔錫錫的動作, 好有母愛. 好好.

7. 我做完真的有出汗!!!! 我真的有出汗呀!!!!! 我真係做緊運動呀!!!!!

8. 最緊要的一項, 佢講野佢個樣唔作狀, 唔乞我憎. 我好喜歡睇佢教片.

Youtuber

以前在香港很少上 youtube 睇片, 但來到加大後, 將上 youtube 睇片變成了生活一部分. 因為真係太多 channels, 太多野睇. 每日蘋果即時新聞, 最新MV, ViuTV舊片, 港台節目, 本地電視台新聞, National Geographic... 其實已經夠睇. 還有一大乍 youtubers 自家 channels, 香港的, 加大的, 日本的... 我都會看. 好不熱鬧.

來到這裡才發現, 原來好多移民來加大的香港人都做了 youtubers, 不論是坐落溫哥華, 多倫多, 還是卡加利都有. 我都會上去看看.  

內容大致上都是吹水居多. 吹咩? 現在最多的是揸架車週街行, 入下鋪頭, 去酒樓食野, 行公園. 聽落係無聊. 但是加拿大生活的話, 又幾好的. 

1. 因為加拿大太大, 不似香港般處處都應該去過. 加拿大有些地方有些鋪頭聽都未聽過, 例如一些有好著數的特賣場, 現在經這些人介紹一下, 咁我下次就懂得去找.   

2. 現在疫情不敢週圍去, 但這些勇敢的 youtubers, 日日出街拍下現時街上的情況, 睇左當去左, 又安全又 update 資訊, 簡直 win win.

3. 有些 youtuber 是某一類型專家, 有時會教到我一些生活上的貼士. 例如有個阿叔會教大家睇樓買樓驗樓的注意事項, 咁到將來我要買樓的時候就有了基本認識了.  

當然不是個個都好. Youtuber 跟藝人一樣都好講觀眾緣. 有些人生得靚, 但我不喜歡咪唔會睇囉. 有一個喜歡講佢一家幾口移民加拿大的生活, 晒幸福之餘又晒身家, 咁我又覺得唔好睇囉. 有一個人個樣令我想起舊公司個乞人憎阿姐, 咁我又唔想睇囉. 是無辜的, 咁我係觀眾嘛. 我唔睇啫總有其他人鐘意睇. 

家家有求嘛. 

Move On

 潘朵拉的盒子打開了，回憶翻箱倒篋。

近來喜歡追蹤年青的聲音：表演， 音樂，影像，藝術。很高興的年青人陸陸續續的走出來表現起來，通過新媒體表現出來，我們真的大飽眼福。

本來以為老練得可以無動於終， 看著劉若英的新MＶ會藐佢老土，可是搜尋之間看到這個ＭＶ，嘩，心裡一沉。乜咁好睇既。。。

ＭＶ個mood 當然正，但最令我欣喜的是新一隊叫<告五人>的樂團的音樂好好聽。他們的編曲真的好正，又鼓又喇叭，非常豐富。至於歌聲，沒有撚聲扮唱家班，好好呀。這個關於出走的MＶ又好好睇。原來已經有一千萬個ｖｉｅｗ，我真的後知後覺。

而且原來這首歌有下集。

雖然這又是同一類的重逢故事，但真的拍得很好。一點也不造作及拖長。而且感覺年輕。

看了N年周格泰鄺盛的MV, 現在有新的感覺. 一代勝一代.

最後女主角呼出一口大氣，真係好正。

如人生。

做人呀，真的不可以常看回頭。我們一定要move on, 那裡有那麼多的如果. 發生了就算了.