The Power of the Dog

＜全劇透>

Oscars 大片點會唔睇， 就算是我一向沒興趣沒有共鳴感的題材：西部牛仔＋幾十年代的故事。

但呢套戲真係悶。

成套戲２個鐘，最重要個 trick 原來在最後１５分鐘。我在想如果導演想做出有餘韻，令人咀嚼的效果， 這是做到的。但之前用了１個鐘又４５分鐘的時間去鋪排就太多了。而且頭幾段的故事好零碎，令人唔知做乜。咁有人當然會話這是大師級講故事方式，但我這等平凡人反而覺得佢渣，講故事碎上，為什麼要我估你講乜，不如你講得清楚一點。看電影，就是我只比你２個鐘時間，你唔好要我一開始睇的時候好知你們主角間的恩怨情仇，以及時代背景，我唔識你架嘛，仲乜要求我事先做好功課去睇你齣戲?

不過個結局係得意既，原來係個仔為保護阿媽用計仔暗中落毒殺死男主角，而又神不知鬼不覺，跟住結尾來一個暗笑，啊，原來外表弱不禁風的靚仔係咁深謀遠慮既。講完。

其實現實中都好多類似情況， 是真人版，在職場上，都好多這些假裝好友之後比陷井別人踩，害別人無左份工，自己上位。雖然我有時想為左份工啫，犯不著出賣人性， 一個人做野不是為名就是為利。為名，即是職位及權力；為利，就是錢。我等程度人士，做到一間公司ＣＥＯ，人工最多年薪過百萬，現今時勢樓都買唔到一間， 辭了職就再沒有轇轕，又重頭再來過，其實不需要咁著緊。但總有人覺得上了位就好威，於是不停做任何事去上呀上，都唔知威乜。

唉又越講越遠了。