剛移民來到加拿大, 一個靠自己認識的朋友也沒有.
頭一段時間的生活圈子就是家人在本地的朋友 - 媽媽的阿姨團啦, 爸爸飲茶的茶客啦, 姐姐教會的會友啦... 每個人都好nice. 好 helpful, 笑容滿面的, 跟我分享初來貴境要留意的情況, 在加生活的樂趣...等等.
但我始終投入不到! 他們全部都不是我的同輩, 個個比我大10歲以上, 我跟他們做不到朋友呀, 我始終覺得他們是長輩, 所以在溝通上做不到跟同輩朋友的方式. 當時一點都不 enjoy 之餘, 心想我幾時先可以有自己的生活呢. 或者我幾時可以走呢?
到後來自己有工作, 在工作上認識了同輩的人, 漸漸建立了自己的生活圈子, 自己才有了歸屬感應同感.
兜咁大個圈, 我其實想講曾比特. 我近期見他上唱歌節目, 明明一個後生仔, 比人拉左去同一班阿叔阿嬸做朋友結友誼. 唱比自己還要老的歌, 好慘呀. 一邊睇佢個樣, 一邊就似覺得佢對眼望住遠處班同學仔去公園玩, 自己就比阿媽迫住陪佢同阿姨飲茶. 佢果種心不甘情不願真係我見猶憐. 立即想起我初來貴境的情況. 佢唱單車時個苦樣根本就不是作出來的.
沒有留言:
發佈留言