好人好姐

Ａ：唉，有冇仔介紹呀？

Ｂ：做咩呀，又發仔瘟？

Ａ：知唔係。你知唔知係香港做女仔有幾慘？

Ｂ：知，正既男人唔係有人就係基嘛。

Ａ：咪係。你聽下，我個生理時鐘係度猛咁響。好慘呀！連邊個都結婚喇，幾時先輪到我！

Ｂ：我知，我已經好努力幫眼架啦。但真係唔易，你自己有冇周圍去識人？

Ａ：梗係有，我參加好多興趣班架啦。

Ｂ：咁咪好囉。

Ａ：係架有Ｄ都幾好樣咁。

Ｂ：係？咁咪去囉。

Ａ：但唔知佢係咪基！

Ｂ：你參加咩班呀？

Ａ：法文囉！

Ｂ：噢，唔洗諗，一定係基。

Ａ：下？咁肯定？

Ｂ：好人好姐學乜野法文姐？我上次去學法文，一個課室有４個男人，其中一個陪女友來，另外３個都係基佬。機會率係１００％。

Ａ：唉！

Ｂ：唔該你唔好去錯地方。好人好姐直男人係唔會去學法文，整甜品，做瑜珈。唔該你唔好去錯地方！

Ａ：下？咁我學咩好呀？

Ｂ：你去學水電工啦！