我的預測不是什麼神算得出來之類, 只是純粹從現時的情況做下 forecast, 是老細問到2021有何看法, 大家都要扮下野好有見解咁囉, 唔係點出來搵食.
現在疫情一日嚴重過一日, 真係大失預算. 當初以為踏入2021年會好一點, 怎知道加大現時每天的確診數目大大提升. 好驚的是我身邊的社區都開始多了確診個案, 令到我比以前更提心吊膽. 照咁睇, 疫情不可能以自然的方式而減少, 一定要靠疫苗才能解決吧. 加大現在開始有得打疫苗, 排次序的話, 我想我這種平民應該 4 - 5 月可以輪到我. 好啦, 之後等 4個星期讓疫苗在身體發揮作用. 大約6月當是受到保護.
不過打左都未必可以自由活動吧. 飛返香港更加唔洗旨意. 我想起碼要等到全世界大部分地區的人都打完疫苗, 仲要肯定情況穩定才慢慢開始飛得返. 咁我又唔會立即飛啦, 因為預計到時機票一定好貴吧. 航空公司仲唔報仇咁抬高機票價錢咩.
所以到我飛得都要2022年中啦. 但夏天是加大最舒服的季節, 點會捨得走, 一定留在加大啦, 所以at the end, 要等到2022年底冬天才回到香港了.
我們都慣了在家工作了 有朋友在銀行工作, 本來以為一定要在辦公室才能做到, 但世事是沒有必然, 他現在整間銀行除了分行職員, 所有人也是在家工作. 所以辦公室長期丟空, 將來都不用續租這些甲級寫字樓吧. 就算續租, 都可以租少D地方只用來開大會也足夠吧.
記得當年大病的時候長期聽住楊千嬅的Meridian, 好返之後就不想再聽了 因為一聽這唱片就聯想起當初大病的情形. 所以很對不起, 這張唱片就犧牲了. 這情況不止是我, 我亦有朋友都有同樣經歷, 而他那一只唱片是盧巧音的色放. 由此引伸到將來出關, 有些現在疫情常做的事情, 將來我一定好抗拒了. 包括: 留在家中, 在家煮飯, 去超市, 看 Netflix... 所以這些公司在疫情後生意會不會繼續旺下去呢...
沒有留言:
發佈留言