男排女將

 

好友們都知我今年開始好迷 Mirror. 哈哈, 緣起不是他們叱吒大勝, 而是一齣<男排女將>.

ViuTV很會照顧海外觀眾, 在YouTube 開了一條 ViuTV World 的 Channel, 咁我就可以睇佢地放上去的節目, 雖然不是全部節目都有放, 但都有唔少片, 仲好新的添. 其中就是<男排女將>. 

我睇日劇太耐, 偶然看一齣廣東話劇就真係好親切. 我抗拒看TVB劇, 咁就試下看ViuTV的, 但我又不喜歡看<綠豆>那種好撚 mood, 勁緩慢, 20集劇情其實5集做得完的那種劇. 

好彩<男排女將>不是! 整套劇節奏快, 劇情好完整, 內容又夠熱血, 這種人生滿希望的戲好適合現今對未來無乜希望的時代去看. 係囉, 就算未來如何, Hope 是很重要的, 有希望大家才敢繼續向前行.

劇中很多演員都是Mirror的成員, 個個都很討好, 夠青春夠朝氣. 我不要求影帝級演技, 年青有瑕疵才夠真實可愛. 好怕TVB什麼劇也加一兩場歇斯底里的場口, 嘈嘈閉. 以為好識做戲, 但其實仍狀到痺. 我情願看這些運動劇開開心心, 真的賞心悅目. 

看完之後, 對全體演員加晒分, 連20年來沒什麼好感的 Stephy 也一拼喜歡. 更令我一口氣追回所有 Mirror 的片. 哈哈. 移民的人常留在家中, 最好就是看電視看 YouTube嘛.