重看整套007

從圖書館借了"No time to die"，由於相隔太多年，好多劇情都完全忘記了。我甚至以為所有人物關係是新的。後來被提醒後才知女主角是跟上一套那位一樣 （怪不得這麼面善)。既然如此，把心一橫，去圖書館借晒全套　Ｄａｎｉｅｌ　Ｃｒａｉｇ 的００７重頭再看一遍。

一看才知他主演的這５套００７原來是一個系列。哈哈，可想而知我一直睇戲都係唔專心的。

今次一次過睇晒這５個故事，我覺得好吸引。每次看００７，就好似去了一轉世界旅遊，靚景靚車，打打打，射射射，睇得好開心。Ｄａｎｉｅｌ　Ｃｒａｉｇ 是咁多個００７之中穿西裝最好看最有型的，雖然他看起來不夠其他的００７高。另外就覺得他做的００７不夠鹹濕。以前的００７個樣又老又風流，但去到DＣ就好似好正經人家咁。另一種感覺啦。

至於其他的系列片，例如 Ａｖｅｎｇｅｒｓ，Ｓｔａｒ　Ｗａｒｓ，Ｈａｒｒｙ　Ｐｏｒｔｅｒ，Ｌｏｒｄ　ｏｆ　ｔｈｅ　Ｒｉｎｇ，Ｂａｔｍａｎ等等，其實我全部都好麻麻。我喜歡看真實景點的東西，而這些虛構出來的星球，城市，人物，怪獸。。。我就真係好難投入。有朋友看Ｓｔａｒ　Ｗａｒｓ會因為主角死了而傷心，我心想全部都是虛構的，有什麼好傷心呢。