今年的新年過得很特別, 因為疫情的原故, 我們都沒法出去拜年. 其實加大在年初一是沒有假期, 我依然都要上班, 只是現在繼續 work from home, 所以就好似有種懶洋洋半工作半休息的感覺. 公司同事都有 email 講工作, 只是大家都 hea hea 地咁做囉. 下星期一亦是加大的公眾假期, 所以大家就好有一種放長假的氣氛了.
今年沒有得出去拜年, 又沒有把家居添置什麼賀年裝飾, 咁不如從食中下手, 做些特別的菜式過年吧.
結果我們做了個盤菜給自己 : 芋頭在air fryer 炸過, 這樣做之後再煮的時候就不會太溶溶爛爛. 將蘿蔔 + 芋頭 + 冬菇 + 魚肚 + 魚蛋 + 支竹 一起放在煲內煮, 加入浸冬菇水和蠔油, 把所有材料煮至入味.
魚肚跟根據 youtuber 教路烚好, 放大, 做法容易快捷.
叉燒亦是向 youtuber 偷師, 用 air fryer 自己在家裡做, 過程不難, 做出來有正常叉燒味道, 很有滿足感. 以後都不用買街的叉燒了!
雞肶用薑蔥伴煮至熟, 取出後, 把剩下的雞油留下, 放上紹菜及蝦, 蓋著煮至熟. 那些紹菜吸收了薑蔥雞油及蝦的味道, 好味到跳起.
之後到砌盤: 拿出家中的LC煲, 用蘿蔔及芋頭放底, 大約鋪到9成滿咁高, 就開始放外露的餸. 紹菜 > 魚肚> 支竹> 雞肶> 魚蛋> 叉燒.
最後就煮熱整罐罐頭鮑魚, 放上最頂部, 把煮熱的鮑魚汁淋上面.
大功告成.
整個過程都要兩三小時, 但大家一起夾手夾腳弄一個製成品出來 又好滿足的. 如果不是疫情, 都不會有時間及閒情逸緻去做盤菜. 所以說不要被疫情影響心情. 要從疫情中自得其樂才是正經.
沒有留言:
發佈留言