Jamie's Italian

難得有一日做鑼灣人，一於搵一間好想食嘅餐廳試吓先。於是上網搵到呢間 Jamie's Italian 。都好喎我其實係佢嘅忠實粉絲，一於試吓佢間餐廳好唔好食先。

精打細算如我心想午餐應該平啲，所以就好興奮咁試吓先。大約兩點鐘到冇乜人喎，一睇個餐牌，點解冇午餐嘅？睇左一段時間，個waiter 趕過來介紹今日有咩特別好食，我聽佢介紹試咗一個自家製磨菇意粉。

個意粉熱辣辣，伴以我最喜歡一大匙蒜蓉碎，蘑菇就攪成蓉，撈左落個忌廉汁入面，如果留番一半可以有得咬就好一點。最喜出望外的就是裡面有淡淡的檸檬清香滲出來，問咗侍應哥哥佢話係特別加左檸檬皮。我先記起 Jamie Oliver 係電視節目裏邊最鍾意就係加檸檬！但係呢個動作好好喎，係濃濃嘅忌廉蘑菇香入邊有清新嘅檸檬味係非常之好嘅神來之筆。

至於麵條呢，我就覺得不夠咬口，當然這是個人喜好，我比較喜歡吃有嚼勁的意大利粉，但我覺得佢煮得比較軟身，而且不夠蛋味。不過佢話係自家製的意大利粉，就加幾分誠意分啦！

埋單才知道這個意粉要＄180，好貴呀！只怪自己一開始沒有問清楚幾多錢。但我見餐牌小份量的意大利粉其實不要＄100。現在這個卻要＄180，加了一之後就是＄200了！我覺得真的好貴。

所以只此一次，沒有下次了！