上次係對面酒吧飲野見到佢好多人排隊，明明已經好夜都好多人喺門口，今日經過忽然無人喎，梗係立即走入去試吓啦。
我問店員有咩推介，佢答我鋪頭最出名係食綠茶雪糕，佢話綠茶味濃得來會有啲苦，但我話我好受得苦，咁我就叫咗個最simple 嘅綠茶軟雪糕試下啦。
端上枱嘅時候都幾靚嘅，細細杯＄32。深啡色的哪些是黑糖糖醬，係我自己加落去嘅。第一啖咬落去，唔，個綠茶味都算香濃！至於個雪糕質地就比較柔軟。咁柔軟屬於好定唔好呢？唔，我就比較鍾意咬落去嘅時候硬硬地，食落去就軟冧冧嗰一種層次啦。
整體嚟講呢間 Via Tokyo $32 一個雪糕都值得再試嘅。不過係我心目中，全香港最好食嘅軟雪糕係係City Super嘅Cha Cha！尤其是係佢嘅牛奶雪糕！啊！！佢哋D牛奶味香濃到不得了，如果用而家嘅標準來講，我會話係四點五級香濃！其他啲所謂北海道三點六牛乳簡直不能比擬啊！未試過嘅朋友一定要去試，食完包保你返唔到轉頭，唔會再食哈根達斯！而且佢只係＄28！仲比呢間 Via Tokyo 粗碌好多喎！
沒有留言:
發佈留言