Muji cafe

我真係好少來銅鑼灣，所以既然有機會一個人喺呢度周圍遊逛，當然會要食盡每一餐啊。睇完一齣咁爛嘅電影之後，我想食一些特別少少的東西來彌補一下。

忽然醒起呢間無印餐廳開左咁耐，其實我一次都未食過喎，既然我唔係太肚餓，就去試吓呢一間標榜輕食嘅餐廳啦。

餐廳嘅菜牌其實好簡單，只得兩款：細 portion＄88 有三個餸；大 portion 嘅＄98 有四個餸，兩份都包一碗飯再加一個飲品。

我今晚唔係太肚餓，所以揀咗＄88 三個餸的套餐，包括兩個熱盤一個沙律：檸檬炸雞、甜酸鯖魚，同埋豆腐渣沙律。雖然睇起嚟就好似好少份量，但係食起上嚟其實都剛剛好，甚至有啲飽到滯。

不過那兩個所謂熱盤，其實都係凍凍地，不夠熱。成個餐最熱就是說碗五殼飯，好熱丶好咬口丶好食。那個豆腐渣沙律亦都好味，配搭好新鮮，好想自己試吓以前自己做。

我想這個餐廳簡簡單單下次都可以再來。