當初知道Drive My Car 要成3個鐘, 真係好猶豫睇定唔睇. 一來村上春樹不是我杯茶, 他的小說平時已經睇到我側晒頭. 二來3小時的戲通常都好扮野, 仲要係馳名慢同作狀的日本戲 ! 而我始終最怕是侯孝賢式唔出聲無音樂得個長鏡頭15分鐘悶到死但之後被好識睇戲的評論人讚到天上有地下無, 但我就浪費了3個鐘的戲.
心大心細下, 我終於在復活節長假期中看了 Drive my Car. 出奇地真的引人入勝, 3個小時好快過, 沒什麼冷場. 它不是高潮迭起的佈局, 但導演說故事的手法高章, 把故事寫得如搣洋蔥般, 一層一層搣下去, 連環緊扣, 令人有好想看故事發展的衝動. 挑起我一邊看一邊會問"咁點呢? 跟住會點呢?", 以及"OH! 原來係咁!"的興趣.
劇情說到此為止, 講下電影其中令我有一啟發 - 就是做人打工沉默是金的道理.
女主角是短期司機, 由頭到尾都不多事不多咀, 真的令人欣賞. 如果我或我有一位咁樣的同事就真係好. 我細個讀書的時候要 attention seeking, 多咀到不得了, 校內校外也多多聲氣, 現在想起來都覺得討厭. 好彩人越大會自省, 做過幾份工作, 買過幾次教訓, 現在明白不多咀的好處. 不關自己事, 別人沒有問你意見的事, 就不用你發表意見. 知少少扮代表多多批評, 但原來別有內情, 到知道真相後才知自己講錯野, 其實都幾樣衰. 所以初到貴境在新工作地方, 我都開始學識收聲的重要. 很多事情唔出聲沒有分心, 只用眼睇, 原來可以看到好多好事實. 好多某人與某人之間的關係就從中發現. 所以我好喜歡女主角這一面的性格, 給我好大的共鳴.
至於男主角西島秀俊, 睇左佢咁多套戲都一樣係咁木獨. 講野都係同一個tone. 表演形式同說話語氣咁多套戲咩角色都係用一模一樣, 真是獨一無二.
沒有留言:
發佈留言