2022 十首歌 - 7/10

Edan 不唱慢歌的第一首快歌＜Ｅｌｅｖａｔｏｒ＞，旋律容易上口，歌詞風趣又配合他的形象，在年初厭悶的工作中給我一大樂趣。

而且我都幾喜歡他跳這隻舞，跳得幾好睇。ＭＶ有些地方好攪笑，３分１５／１６秒左右，在閉路電視熒光幕前騷手弄姿果幾下好好笑，好唔係佢應該做的動作。但佢做得好好笑，令我睇左N次呢個MＶ，睇一次笑一次。 

另外，我這個中年鏡粉十分欣賞他們的ｄｏｗｎ　ｔｏ　ｅａｒｔｈ，尤其是Ｅｄａｎ，縱使不知場地是真是假，但見到他大方的在家中開IＧ ｌｉｖｅ，把自己的碌架床，洗手間的都拍入鏡頭，那種貼地真實我非常之欣賞。就算他已經是香港ｔｏｐ　ｇｒａｄｅ的藝人，家裡的布置依然好似我們的家一樣，窗口大大個窗花，沒有講究的床單布藝，有一份濃厚的親切感，不似以前看明週，報導那些名都未聽過的暗星但家居布置五花八門，無乜ｊｏｂ接都咁富貴。相對看著這班鏡仔，依然未換樓換車，個個好似住居屋咁，真係好想繼續支持他們。