我記得以前做廣告, 我們要為一個大路親民的品牌選代言人, 有個阿姐級的人講左句: 香港人無乜邊個唔鐘意陳奕迅. 想深一層又係喎, artists 那麼多, 要選一個親和力強勁入屋的其實不多, 勁靚仔靚女未必人人受得到, 做不到人畜無害的境界. 咁當然, 當年的 Eason 有這個能力, 但去到今天, E的親和力就一落千丈了.
好彩有人接到班.
我心目中阿 Jer 唱歌, 形狀及親和力就是最有能力接棒陳奕迅的人. 我好喜歡聽佢唱歌 : 入咪, 咬字清楚, 有感情但唔作狀, 沒有扮唱家班腔口, 高音處沒有嗌爆咪, 反而聲音變得溫柔. 是天生的好嗓子. 希望他繼續穩穩陣陣行落去, 唱歌唔好玩花臣刻意五時花六時變, 或有一些壞習慣弄壞了聲底.
今年Jer 推出的三首歌我都好鐘意, 坦白說我喜歡今年的歌多過上年的物語系列, 但不緊要, 這表示他一年比一年進步. 這一首<人類群星閃耀時>, 我一聽就愛上了. 那種氣勢那種大愛的感覺好出又令人接收到. 我自己本身好抗拒那些什麼<相信愛>, <相信>, <只有愛>...等等肉麻當有趣但其實行貨到不行的歌. (這些歌台灣樂隊盛產! 悶!!) 而 Jer 這首歌沒有用那些陳腔字眼, 亦能在背後帶出那種前路光明的感覺, 尤其是最後大合唱那 part, 士氣高昂得會令人起雞皮的.
唔知點解未能大hit, 其實這是一首年度之歌格局的歌呀.
沒有留言:
發佈留言