整個聖誕假期都留在家中, 因為疫情嚴峻, 加國一年一度的 boxing day crazy sale 也沒有出去湊熱鬧了. 結果就在家不停看電視.
我終於看齊9集的 Star Wars 了. 頭一兩集不知做什麼, 但去到後期, 第三集開始就好緊張了, 一直到第9集完結. 其實這個系列是不能中途加入的, 一定要從第一集看到第9集才知做什麼的. OK. 不再講這個戲了.
不知講下一些看了一兩集真的好難睇, 唔想再追下去的劇啦.
這套<Emily in Paris> Season 1 都仲好好地, 劇情沒有峰迴路轉, 但當睇靚人靚衫是沒有問題的. 但去到第二季....
點解咁難睇嘅!
結果我看完第二集就決定不再看下去了. 這個Season 2難睇在於:
1. 故事好老土, 好拖拉. 上集結局, Emily 瞓左好朋友個靚仔廚師男友. 今季用了兩集講佢係度逃避好友面對男友冷淡對待的左右做人難, 不知如何是好. 我一邊睇一邊屌: 唔係嘛, 成套劇包裝到幾時尚, 但主角的對人處事仲停留在TVB劇的模式, 咁我為什麼要睇 Netflix? 這類紙包不住火的情節, 如果是現今的日劇, 這個秘密其實過不了下集已經爆了, 不會拖拉成咁.
2. 女主角打工不停恃住小聰明, 成日做錯野要補鑊. 其實正常一間公司應該炒L左佢叫佢返美國. Expat 個 package 係好高的, 如果perform 唔到, 為什麼要留佢係度攪破壞?
3. 主角醜左好多. Lily Collins 條眉發生咩事, 粗過粵劇化妝! 靚仔廚師 Lucas Bravo 咩事, 成個人一陣油煙味, 以前靚仔不覊"係你撘上我, 不是我溝你"的感覺完全無晒. 更不用提成日開口埋口"Gabriel 唔理我"的 Camille Razat. 一個二個完全失色.
4. 劇情不濟, 本打算看風景也好. 但來來去去都是那幾個遊客風景. 感覺就只是美國佬眼中的香港一定有帆船在維多利亞港行緊咁. 不夠多面睇.
想睇巴黎, 好在後來找到原裝法國製的 "The Hook Up Plan", 地道好笑一百倍.
沒有留言:
發佈留言