悶到長出蘑菇來

認罪

- 我知錯. 成個星期晚晚睇戲都要飲可樂.
- 開始喉嚨痛仲要連續兩日去食雞.
- 星期三翻風我去開冷氣瞓.
- 入老細果間只有15度的房開會唔著多件衫.

結果

- 喉嚨痛
- 失眠
- 流出的鼻水多過口水

錯過

- 這個才是主題. 成日週末都冇得玩.
- 星期六一個朋友的生日派對. 你知啦, 我係余安安來的, 逢請必到, 今次放了朋友鴿子很不好意思.
- 今早的崇拜. 除非出國, 否則星期日我都會到教會崇拜. 我覺得自己好壞.
- 星期日晚的"一路好走陳奕迅雙面人演唱會". 我一直都勁想睇這個騷. 現在看不到, 好慘.

後果

- 去不到教會, 自己在家睇聖經. 最近睇緊羅馬書, 今早趁有空一次過看了全卷.
- 刨了全份蘋果. 我平時只看其中幾份, 今天我連財經板都看了.
- 今天蘋果的娛樂板將近年的金句集合出來, 好好笑.
- 看了4份雜誌. 好少看雜誌看得這麼仔細.
- 聽了鄭mi演唱會的CD, 好聽. 另稿再談這.
- 星期六晚聽了一夜的劉若英. 近年來的碟真的少了一點magic, 還是當年在滾石的歌曲比較文藝合她一點.
- 聽了一隊叫"方便之王"的外國樂團. 個人已經咁悶, 仲要聽佢地唱的慢歌. 死得了. 立即換了LADY GAGA.
- 柏安妮的復刻碟真的是愛西歌之人必備. 冇一首歌全部唱啱音, 快歌唱到好似行屍走肉一樣. 但唔好理, 我就是喜歡她的歌. 聽完會幫助復元. 其中一首叫"魔鬼的火窩"的歌詞是這樣的: 願我的表哥現在快驅魔, 撲熄身邊一堆火, 否則我便墮入魔鬼火窩... 信我, 喜歡西歌的人, 一定要去買一隻. YUMIKO 都不及她西.

結論

我明日什麼是悶到長出蘑菇來了.