寫了這個卜10幾年, 一直都係年底才回顧一下當年最喜歡的10首歌.
曾經有些年份歌曲不濟到365日以來都挑不出 10首似樣的歌曲, 唯有選10張大碟就算.
至於近兩三年就一直抱怨沒有什麼好聽的廣東歌, 轉了去聽英文或日文的. 最主要原因是某一兩家大型唱片公司不停出翻唱碟或復刻碟做爛個市吧. 我真係恭喜你喇, 終於佢地的唱片今年被人唾棄, 正如那家香港大型飲食集團一直出品無味道食品但半年加一次價, 現在他們終於被清醒的市民所拒絕, 不再光顧. 這就是天理循環.
又離題.
新時代呢, 真的是"嘭"一聲就來臨, 不用等的, 以及時代要你走, 你就要走, 無得賴死唔走.
真開心. 今年唔知做乜, 超級多好聽的廣東歌, 一首接一首的 -- 風格, 種類, 內容, 歌聲, 角度, 包裝, 宣傳... 全部到位又對位, 又可以牽動情緒, 好多歌都可以吸引到我這個麻煩人. Mirror 的出現當然令我從未如此瘋狂開心過, 但其實不止他們, 現在只是過了6個月, 已經有超過10首歌令我日聽夜聽.
所以今年要破例. 過了半年已經要快手介紹一下10首好聽的歌曲. 如果下半年的歌都仲咁高質, 到時再數其他10首歌.
唔提 Mirror 住, 第一首要講 Zpecial, 上年的 <深夜告別練習> 我已經好鐘意, 等了很久終於有新曲<年少輕狂>, 食正樂隊年青的特質. 唱得入型入格, 這些歌真的要對的人才可以唱得出味道. 唔通叫林峰出來唱 <年少輕狂> 嗎? 人唔走狗都吠.
這首歌旋律流暢, 編曲年青狂放, 配合埋主音康聰的氣聲, 好夾又有特色. 原來唱歌未必一定四四正正才好聽. 啱 feel 啱 mood 都好緊要.
我這個快5張野的人聽完都覺得自己年輕左. 只恨自己20多歲時玩得不夠狂添呀.
沒有留言:
發佈留言