我每次見到牙Jer 喊都會被他觸動到流淚, 真的好少有.
第一次是看他在陳志雲的訪問, 他講到自己0燈被踢出局, 邊講邊喊, 我又跟住喊.
之後<調教你 Mirror>, 佢同AK頒獎禮心結那一part, 我又俾佢講到喊埋一份.
佢既喊係好有感染力的. 因為好真, 蘭心手在眼前撥, 之後雙眼通紅, 一邊講一邊喊, 嘩, 勁催淚. 如果係作假更加要讚, 一般影星的喊戲我都看得無動於終, 無感覺. 如果佢的喊是做戲, 更加不要浪費.
所以我對牙Jer 的印象係超好的.
因為佢唱歌真心好聽, 聲音清楚厚實, 入咪, 不是喉嚨聲, 唱功穩定, 高音處好溫柔, 駕馭得到之餘又不是嗌出來的, 是天生的一副好嗓子. 香港樂壇等這樣的一把聲都等了很久吧. 大約二十年出一個: 許冠傑> 張學友>陳奕迅後, 終於到牙Jer了! 希望佢一直好好地唱下去.
不過我好怕佢個厚粧. 唔知係咪要夾返宣傳<狂人日記>, 要化 joker 粧, 但真心唔襯佢個溫柔底. 而且化濃粧的男歌手好難入屋. Anyway, 佢幕後有一大個專業團隊, 覺得出事應該會有人執好佢的.
說回這首<狂人日記>, 好聽到不得了, 比上年的物語大躍進得多多聲. 曲風新穎得來又唱得到. 連 Live 都無問題! 後生可畏! MV都好好睇, 喜歡他不顧形象又隊野又發癲, MV的 matt color tune 好有型. 香港的MV質素越來越高, 不用看來看去都是那些. 好欣慰.
沒有留言:
發佈留言