有好多廣東歌 Intro 及 chorus 之前個 verse 好普通, 唔特別, 去到 chorus 才令人有D印象, 就要繼續努力, 例如張敬軒所有歌都有呢個情況. 我只能夠哼得出 chorus 一兩句, 但開頭的一大段我係一粒音都無印象的.
所以做一首出眾的慢歌係好難架.
而以下呢首就好成功, 就算只讀第一句 "連環錯愛, 有誰教我不幸", 已經可以成首唱住接力, 好厲害. 又係果句, 年初我仲未識得晒 Mirror 有邊12 個, 在IG見到好多人出post預告Edan 有新歌出, 我心諗: 咁又點呢?! 之後MV出了, 看完一次, 幾有趣喎個故事, 再睇, 又再睇, 睇下睇下就係咁不停睇, 不停唱, 勁入腦. 聽左半年依然未覺得悶. 好野. 希望年尾可以得到年度我最喜歡的歌曲大獎, 因為我真係覺得實至名歸, 由旋律到歌詞到唱歌到MV都可以做到好經典.
其實第一次聽覺得 Edan 的咬字好怪, 由於當時我從來未聽過佢講野, 所以唔知佢把聲係點, 到第一次聽佢唱歌就覺得"咁既". 但聽多幾次又覺得好有特色好好認, 同埋覺得幾有感情呀, 最重要是這是一把廿多歲年青人的聲音囉, 我終於唔洗再聽三十幾歲的佬唱情歌咁老氣囉. 所以係好開心既.
至於MV, 女主角好吸睛, 好靚又有D似我的女神Dua Lipa, 加分! 還有Edan 彈琴 solo 到升 key 果段, 直頭係將 Edan 成個人連首歌都帶起左幾倍.
沒有留言:
發佈留言