我是幾時開始入坑架呢?
2020年我是沒有留意 Mirror 的, 雖然朋友說 Ignited 好聽, 但我一見到MV中大家著住大大個Champion C字 logo 的衫就打了個大折扣, 沒有再看下去. 我喜歡 Champion 這個牌子的, 但討厭大大個 logo 果D衫, 好似以前 Polo 大大隻馬係心口, 好似一 pat 雀屎咁. 結果令到我上年都沒留意 Mirror.
後來叱吒, 男排女將, 陳志雲訪問Jer 及姜濤, 我就開始留意他們, 連夜睇返晒造星1, 當然只挑 Mirror + Error 16 個人那些片段, 其他的參賽者, 對不起遲D先.
最最最一發不可收拾的, 是從這一首 <Warrior> 開始. 嘩, 型到呢個MV! 每個仔都脫胎換骨, sharp 醒晒. 我最迷的時候是一日睇幾次這個MV. 每次睇他們群舞那種氣勢真的可以 cheer up 成個人, 尤其是在這種低迷的環境. 我在加大日日困住在家. 看到這12個人這份朝氣真是給我好大的打氣同力量! 真的是抵他們這麼紅的, 有功勞嘛.
電台的人用他們現在的紅來比較90年代的四大天王的紅. 我覺得Mirror 的紅比四大天王有過之無不及. 一來我當年非常不喜歡四大天王, 唱歌唔好聽, 四個人都在嗌歌, 唱歌無感情, 個個好似在搵快錢咁, 十大歌曲獎霸晒8首, 又唔係好聽, 而且他們四個加起來的凝聚力又不及Mirror 現今這般能牽動大家的情緒. 鏡仔係做晒(!)全香港的廣告. 而四大天王的年代都未去到咁誇張. Well, 總括就是我不喜歡四大天王, 所以我一定覺得 Mirror 今次的旋風係強D嘅.
每次看到結尾 Anson Lo 企中間跳舞果段, 型到不得了一非常好睇. 真係後悔後生時候沒有去學跳舞.
沒有留言:
發佈留言