善良的人

海外觀眾睇 VIU節目會遲一個禮拜, 所以<調教你 Mirror>係未做晒. 但睇到目前為止, 花姐對每個仔的最後評價係"佢係一個善良的人". 由於講得太多次, 令我特別留意這個comment.

想深一層其實是對的. 現在這個時勢, 我們真的好需要心地善良的人. 又或者我已經唔識分什麼才是善良. 我一直覺得"心地善良"是做人的基本, 基本到不用刻意提出. 因為一個人有了這個基本善良的心, 才能去引伸講什麼有上進心, 聰明, 靈活等等做人的條件. 

所以就算這班鏡仔性格各異, 優點各異都好, 個心地本質是善良的, 不是自私地想著要爭位上位駁出位, 就真的夠吸引, 長有長做, 還可以慢慢教慢慢做. 

講講下, 我想起幾十年前入行, 我阿姐都有講起類似的話. 佢請一個人, 除了基本語言能力, 她最著重的是見工者的人品. 雖然見工初次見面, 短短一小時並不能看得全面, 但相由心生, 有經驗的人在一個小時內其實都可以對面試者的人品性格略知一二. 打工是睇下夾唔夾, 一個鐘傾下講下, 其實都會知呢個人同你 work 唔 work 到. 那些唧個醒目樣精甩邊個D, 我阿姐話一定唔請. 佢唔需要呢種人, 留比其他喜歡這類人的公司便可.