成個7月都好似係 Anson Lo 月咁. 好勁.
由7月初開始, 生日應援令全香港市民一起跟他賀壽, 之後到<大叔的愛>, 講足3星期, 播完都已經到月中, 之後再有出櫃新聞, 再到各種新歌應援及宣傳. 嘩. 風頭一時無兩. 坦白說我本身對他沒什麼感覺, 有時嫌佢個粧太厚, 但到今日經過一整個月的洗禮, 我其實已經覺得佢好charm, 說不上是神徒, 但一定對他好有好感了.
Anson Lo 係靚仔的, 他的靚與Anson Kong 的陽剛味型男不一樣, AL的美是柔美的一種, 似張國榮. 而且原來AL 列咀一大片西瓜般的笑容係最靚仔的 (牙齒整齊好重要), 有種鄰家男孩的親切感. 這是天生的, 其他人沒有得恨.
今個月聽多左佢講野, 發覺佢講野沉沉地仲好聽D. 反而他唱快歌時把聲好高音就聽不到他本身略帶磁性的聲音了. 不如試下沉聲唱快歌啦搵一次.
至於月中報導佢出櫃的新聞, 真的幫了他一大把. 首先原來這是5年前的舊文, 都唔知報館報導出來的動機做乜. 可能是想話俾我呢類原本唔知的人聽, 原來佢5年前出了櫃? 我當時第一個反應就是: OIC 原來係咁. 第二個反應就是: 咁之前D記者做咩仲問佢喜歡什麼類型女仔, 如何氹女生乜乜乜... 佢地唔係晨早知佢係架咩, 點解仲要問呢D問題. 可憐AL好有禮貌咁當時沒有反佢地白眼再加藐佢地班記者: 問我做乜L呢. 咁我就覺得呢件爆料事件好多餘及唔專業了.
所以一個人紅, 將來只會不停俾人拿這些事出來講, 例如細個時默書0分, 瀨過屎啦, 講過粗口啦, 過馬路唔望燈之類... 佢有心理準備考EQ去面對這些答來都多餘的問題囉.
不過這有一個好處, 就是幫Anson Lo 再推紅D, 我睇完佢5年前的訪問, 反而覺得佢坦蕩蕩得來更可愛. 其實基佬明星只會令到女fans更著迷, 因為有一種"你永遠得不到佢"的距離感, 令到佢的星味更濃. 所以希望AL 再以ride on 呢個機會令自己再紅D.
香港真係好耐無出有星味的明星了.
呢首<不可愛教主>, 第一次聽覺得佢hea住來唱的腔口好奇怪. 但後來聽多幾次反而就是鐘意佢呢個腔口. 一日聽幾次呀而家.
沒有留言:
發佈留言