曾經失業了一整年, 那段期間當然日日找工作, 上網啦, 報紙啦, head hunter 啦, 什麼都試.
講起 Head hunter, that is 我最討厭的一群人. 收了我的CV, 打電話來講一陣. 有些後生女說話沒有禮貌都算 (佢冇家教我不需要替人教女, 讓佢將來自己踫壁便可), 問完我以往人工及expected salary 之後好快就收線. 感覺是做市場調查什麼公司什麼人工level 般, 之後當然沒有下文, 黑人憎. 所以我以後不會再靠 head hunter 搵工. 我的工都是靠自己 send 信出去的.
對不起, 說遠了. 講返今日想講的一個point.
日日找工作, 其實都get 到一些insight. 你會發現有些公司常常請人. 例如一月見佢請 Marketing Manager, 個post 出了一陣不見了, 即是個位請左人. 但4個月後, 同一個位又請人. 有時是相同位置, 有時不是. 其實睇他們的招聘廣告都好似在看他們公司的人事轉變.
如上面個例子, 4個月後, 佢地又請 Marketing Manager, 即是話新請那位做不來走左.
如果佢地請 Marketing Executive, 即是話新入去個 Marketing Manager 好強勢, 令到原來的下屬要辭職.
好好睇呀何?
再厲害的, 半年後, 該公司再請 Marketing Manager, 咁就睇得出呢間公司的文化不是好多新入職的人可以夾得到. 快入快走.
所以常常出招聘廣告的公司, 我都不會申請的. 無謂煩.
為什麼突然想起這些? 多留意求職版便知. 把求職版當娛樂版看都幾有趣.
沒有留言:
發佈留言