一開始的時候, 所有參賽者中我係最鐘意 Ian 的, 是因為個人喜好, 我喜歡D人兩隻眼分得好開的, 覺得好可愛, 好似卡通人物. 而 Ian 一開始參賽時對眼係分得好開既, 唔係傳統靚仔但 cute. 不過去到總決賽, 佢對眼已經被化妝師化埋左, 而且佢知道自己強項是什麼, 故做多了放電的動作, 就減少了當初的純樸味道, 沒所謂. Go for majority interest. 這是成為明星的必然進化, 只要動作不黑人憎便可以了.
而且我贊成當時導師講 Ian 一開口唱歌時個樣有一種令人想知他更多的魅力, 這就是天生的 charisma, 練唔到的. 所以佢一定可以成為一顆星.
Ian 的聲音是動聽的. 上年推出的幾首歌, 都好聽但未到好好聽的階段, 仍需努力, 做歌手是長期的工作, 不能一步登天, 亦不適宜一步登天, keep 住上去就好. 不過今年年初我覺得佢的表現怪怪的. 長期心不在焉, 又沒什麼火的感覺.
尤其是呢條 Mirror 演唱會的宣傳片. 嘩, 佢做咩呢係度?
<PS on 22/7: 呢條片第二日就唔見左 lu, 真係啱喇.>
當時睇呢條宣傳片, 其實覺得他們好唔齊心, 有一兩個成員全程坐埋一邊睇戲咁, 我心諗: 姜濤同Ian 好似路過咁, 真係辛苦晒其他努力攪氣氛的隊友.
12個人有12種性格, 係會比九型人格再複雜, 雖然沒有要求大家都要成為老死, 但都好過口和心不和果D老土TVB戲碼. 就似一隊球隊, 大家未必私底下要做好朋友, 但上到場就要團結朝共同目標進發, 否則好容易被有心人教唆及分化.
但我當時睇呢條片, 我裡除了罵之外, 亦替他們擔心又傷心.
好左後來他們都被調教了, 心理上好似改善得多了 至少一班人出騷時個樣都齊心返. 希望這個狀態可以維持下去. 雖然不想給壓力他們, 但觀乎現在香港人對他們的熱愛, 或多或少都把他們當成一個寄託, 在這個環境下, 得快樂時且快樂, 因為他們的出現, 大家可以放心把他們成為茶餘飯後的話題而不會導致家人拍枱拍凳. 香港人幾耐無試過咁快樂? 這就是時勢造英雄的一個好例子.
我又講到幾百萬丈遠, 數番首歌先. 呢首DWBF一開始時沒什麼感覺的, 不過聽得多又入左腦, 而且 Ian 唱得好好, 首歌好夾佢把聲, 還有個MV又拍得佢好靚仔, 尤其是藍色大冷衫果 part, 嘩殺晒. 立即覺得年初個心不在焉的 Ian 回來了.
沒有留言:
發佈留言